اسلام آباد:قومی اسمبلی کی لائبریری میں کشمیر کارنر قائم،سپیکر قومی اسمبلی سردار ایاز صادق ،وفاقی وزیر و چیئرمین پارلیمانی کمیٹی آن کشمیر رانا محمد قاسم نون نےقومی اسمبلی کی لائبریری میں کشمیر کارنر کا افتتاح کردیا ۔
افتتاحی تقریب میں کشمیر کمیٹی کے اراکین وفاقی وزیرپارلیمانی امور طارق فضل چوہدری ،چیئرمین سٹینگ کمیٹی آن ڈیفنس سردار فتح اللہ خان میاں خیل ،ممبر قومی اسمبلی آغا رفیع اللہ ،ممبر قومی اسمبلی ڈاکٹر درشن شریک ہوئے۔
یہ بھی پڑھیں: یوسف رضا گیلانی سے قاسم نون کی ملاقات،سینیٹ لائبریری میں’’ خصوصی کشمیر کارنر‘‘ قائم
تقریب میں کشمیری رہنماکنوینئرحریت کانفرنس غلام محمد صفی ،محمد فاروق رحمانی ،محمود احمد ساغر ،عبد الحمید لون ،شیخ عبد المتین ،مشتاق احمد بٹ،مزمل ایوب ٹھاکر ،لال حسین راجپوت،نعیم خان ،جام نبیل مشتاق درگ ،احمد تاشفین خان بھی شریک تھے ۔
اس مو قع پر گفتگو کرتے ہوئے سپیکر قومی اسمبلی سردار ایاز صادق نے کہا کہ کشمیر پاکستان کی شہ رگ ہے۔پاکستان کشمیریوں کی اخلافی سیاسی اور سفارتی حمایت جاری رکھے گا،کشمیر کے مسئلہ پر پاکستانی قوم کا موقف یکساں ہے۔
انہوں نے کہا کہ کشمیری عوام کے حق خودارادیت کی حمایت جاری رکھیں گے۔سپیکر قومی اسمبلی نے مقبوضہ کشمیر میں انسانی حقوق کی جاری خلاف ورزیوں کی شدید مذمت کی ۔
انہوں نے کہا کہ بھارتی مظالم کشمیری عوام کے حوصلے پست نہیں کرسکتے ، کشمیر کارنر میں شہدائے کشمیر کی نایاب تصاویر اور جدوجہدِ آزادی کشمیر اور کشمیر کے تاریخی پس منظر پر مشتمل کتب رکھی گئی ہیں۔
کشمیری جدوجہدِ آزادی سے متعلق تاریخی دستاویزات، کتب اور معلوماتی مواد بھی رکھا گیا ہے۔کشمیر کارنر کا قیام مسئلہ کشمیر کے بارے میں آگاہی اور معلومات کی فراہمی میں اہم پیش رفت ثابت ہوگا۔
کشمیر گیلری اراکینِ پارلیمنٹ اور نوجوان نسل کو کشمیری عوام کی جدوجہدِ آزادی اور قربانیوں سے آگاہی کا مؤثر ذریعہ ثابت ہوگا۔
یہ بھی پڑھیں: چیئرمین پی سی بی محسن نقوی کا پی ایس ایل میچز آزادکشمیر میں کروانے کا اعلان، بھارت میں کھلبلی
اس موقع پر گفتگو کرتے ہوئے وفاقی وزیر/چیئرمین پارلیمانی کمیٹی برائے کشمیر رانا محمد قاسم نون نے کہا کہ کشمیر گیلری کا قیام اسپیکر قومی اسمبلی کا احسن اقدام ہے۔
شرکاء تقریب نے گفتگو کرتے ہوئے کہا کہ کشمیر کارنر کے قیام سے پارلیمنٹیرینز اور محققین کو مستند معلومات تک آسان رسائی حاصل ہوگی۔
سینیٹ اور صوبائی اسمبلیوں کی لائبریریوں میں بھی کشمیر کارنر قائم کئے جائیں گے۔
شرکائے تقریب نے مقبوضہ کشمیر کے عوام سے یکجہتی کا اظہار کیا۔کشمیری قیادت نے قومی اسمبلی کی جانب سے کشمیر کارنر کے قیام کو سراہا۔
