اسلام آباد: چیئرمین این ڈی ایم اے لیفٹیننٹ جنرل انعام حیدر نے کہا ہے کہ آئندہ ہفتوں میں مزید کلاؤڈ برسٹ ہوسکتے ہیں۔
نجی ٹی وی سے گفتگو کرتے ہوئے چیئرمین نیشنل ڈیزاسٹر مینجمنٹ اتھارٹی نے کہا کہ آئندہ دو سے تین ہفتوں میں مزید کلاؤڈ برسٹ دیکھنے پڑسکتے ہيں اور کے پی جیسی صورتحال ہوسکتی ہے۔
لیفٹیننٹ جنرل انعام حیدر نے کہاکہ آزاد کشمیر، شمالی پنجاب، گلگت بلتستان میں آئندہ 3 سے 4 ہفتے میں مزید کلاؤڈ برسٹ ہونے کے امکانات ہیں۔
یہ بھی پڑھیں: آزادکشمیر:طوفانی بارشیں، طغیانی، لینڈ سلائیڈنگ ، سیاحوں کیلئے ایڈوائزری جاری
واضح رہےکہ خیبرپختونخوا میں بارشوں، سیلاب، لینڈسلائیڈنگ اور آسمانی بجلی گرنے سے اب تک344 افراد جاں بحق اور درجنوں زخمی ہوچکے ہیں۔
اس سے چند ہفتوں قبل آزادکشمیر،گلگت بلتستان میں بھی کلاؤڈ برسٹ ہوا تھا جس کے بعد شدید بارشیں ہوئیں جس کے بعد سیلاب سمیت لینڈ سلائیڈنگ کے باعث متعدد افراد جاں بحق ہوگئے تھے۔
یہ بھی پڑھیں: بارش ، کلائوڈبرسٹ متاثرین کیلئے32کروڑ جاری،فوری معاوضے دیئے جائیں، وزیراعظم آزادکشمیر
