نئی دہلی(کشمیر ڈیجیٹل) بھارتی وزیر اعظم نریندر مودی نے پارلیمنٹ سے خطاب کرتے ہوئے تسلیم کیا کہ 9 مئی کی رات امریکی نائب صدر ڈی جی وینس نے انہیں خبردار کیا کہ پاکستان بھارت پر بڑا حملہ کرنے والا ہے۔
مودی نے کہا کہ “9 مئی کو رات کو ٹرمپ نے مجھے کال کرنے کی کوشش کی تو میں نے کال نہیں اٹھائی، پھر میں نے ٹرمپ کو کال بیک کی۔
آپ کا 3،4 بار فون آیا، میں فون اٹھا نہیں پایا۔ تو امریکی نائب صدر ڈی جی وینس نے کہا کہ پاکستان آپ پر بڑا حملہ کرنے والا ہے۔”اس انکشاف کے ساتھ ہی نریندرا مودی نے اعتراف کیا کہ انہوں نے پاکستان کے حملے کے بعد امریکی صدر ٹرمپ سے جنگ بندی کیلئے مدد طلب کی
جس کے بعد امریکی صدرڈونلڈ ٹرمپ نے پاکستان سے رابطہ کر کے جنگ بندی کی کوشش کی۔تاہم ان حقائق کے باوجود نریندر مودی شکست کا کھلے الفاظ میں اعتراف کرنے کی بجائے، بھارتی عوام کو’’آپریشن سندور‘‘ کے نام پر من گھڑت بیانیہ سنا کر گمراہ کرنے میں مصروف ہیں۔
ان کا یہ رویہ اپوزیشن اور مبصرین کی جانب سے شدید تنقید کی زد میں ہے، جن کا کہنا ہے کہ مودی حکومت عوام سے سچ چھپا رہی ہے اور ناکامیوں کو کامیابی بنا کر پیش کرنے کی کوشش کر رہی ہے۔
رزلٹ کا عدم اجراء،میرپور مسٹ یونیورسٹی سے منسلک کالجز کے طلباء سراپا احتجاج
