ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) لیفٹیننٹ جنرل احمد شریف چودھری آج شام اہم پریس کانفرنس کریں گے۔
ذرائع کے مطابق ڈی جی آئی ایس پی آر لیفٹیننٹ جنرل احمد شریف چودھری کی یہ اہم پریس کانفرنس شام 5 بجے ہوگی، جس میں ملک کے مختلف اہم امور پر تفصیلی بریفنگ دی جائے گی۔
طالبات اور فیکلٹی ممبران کے ساتھ خصوصی نشست:
قبلِ ازیں ڈی جی آئی ایس پی آر لیفٹیننٹ جنرل احمد شریف چودھری نے فاطمہ جناح ویمن یونیورسٹی راولپنڈی کی طالبات اور فیکلٹی ممبران کے ساتھ ایک خصوصی نشست میں بھی شرکت کی۔
یہ بھی پڑھیں: رواں سال اب تک دہشتگردی کیخلاف 40 ہزار سے زائد آپریشن کیے گئے، ڈی جی آئی ایس پی آر
اس نشست کے دوران ڈی جی آئی ایس پی آر نے طالبات کی جانب سے کیے جانے والے مختلف سوالات کے مدلل اور مفصل جوابات دیے۔ براہِ راست سوال و جواب کے اس سیشن کے ذریعے طالبات کو قومی امور سے متعلق حقائق قریب سے جاننے کا موقع ملا، جبکہ اس دوران کئی ابہامات اور غلط فہمیوں کو بھی احسن طریقے سے دور کیا گیا۔
تعلیمی اداروں اور قومی امور کی اہمیت:
اس موقع پر گفتگو کرتے ہوئے وائس چانسلر فاطمہ جناح ویمن یونیورسٹی پروفیسر ڈاکٹر بشریٰ مرزا کا کہنا تھا کہ تعلیم کا مقصد صرف روایتی نصابی معلومات تک ہی محدود نہیں ہے، بلکہ طالبات کی بہتر تربیت اور انہیں زمینی حقائق سے باخبر رکھنا بھی تعلیمی عمل کا ایک انتہائی ضروری حصہ ہے۔
