کالعدم ایکشن کمیٹی کا سرکس بند،شاطروں کا کھیل اب ختم ہوچکا، وزیراعظم فیصل ممتاز راٹھور

مظفرآباد(کشمیر ڈیجیٹل) وزیراعظم آزادکشمیر فیصل ممتاز راٹھور نے سماجی رابطوں کی ویب سائٹ پر کالعدم ایکشن کمیٹی کے کور ممبر خواجہ مہران کی قومی اداروں کیخلاف ہرزا سرائی پر اپنے خیالات کا اظہار کرتے ہوئے کہا کہ یہ لوگ اپنے آپ کو ریاست سے زیادہ پاور فل سمجھتے ہیں ۔

وزیراعظم فیصل ممتاز راٹھور کا خواجہ مہران کی ویڈیو شیئر کرتے ہوئے مزید کہنا تھا کہ کالعدم ایکشن کمیٹی کے ممبران سب سے پہلے ایسے نعرے لگاتے رہے جیسے وہ عوامی خدمات کا جذبہ رکھتے ہیں لیکن ان کے اقدامات سول انتظامی ڈھانچے کو تباہ کرنے کی ان کی حکمت عملی کے عکاس ہیں۔

مزید یہ بھی پڑھیں:آزادکشمیر میں امن وامان کی صورتحال برقرار،مزید500ایف سی اہلکارتعینات

وزیراعظم آزادکشمیر فیصل ممتاز راٹھور کا کہنا ہے کہ کالعدم ایکشن کمیٹی کا یہ سرکس ختم ہونا چاہیے اور ان شاطروں کو احساس ہونا چاہیے کہ ان کا کھیل ختم ہو گیا ہے۔

First they raise such slogans which are reflective of their strategy to cripple public services and civil administrative structure. They do this with the aim to intimidate the government and show people that they are more powerful than the State.

THEN, they blame the same… pic.twitter.com/giLqjFB0RY

— Faisal Mumtaz Rathore (@PMofAJK) June 19, 2026

فیصل راٹھور کا کہنا ہے کہ کالعدم عوامی ایکشن کمیٹی ایسا حکومت کو ڈرانے اور لوگوں کو یہ دکھانے کیلئے کرتے ہیں کہ وہ ریاست سے زیادہ طاقتور ہیں۔

مزید یہ بھی پڑھیں:بھارتی ایجنڈا،افواج پاکستان میں دراڑ ڈالنے کی کوشش ،ممبران کالعدم ایکشن کمیٹی کیخلاف بغاوت کا مقدمہ درج

وزیراعظم کا کہنا ہے کہ جب کہیں آزادکشمیر کے کسی کونے میں خوراک اور ادویات کی فراہمی ہوجاتی تو حکومت کو مورد الزام ٹھہراتے رہے ہیں لیکن آج خود لاک ڈاون لگا کر بیٹھے ہیں تو انہیں عوام کا درد محسوس نہیں ہوتا۔