ریاض:سعودی جنرل اتھارٹی برائے شماریات نے اعلان کیا ہے کہ حج 2026 میں حجاج کی کل تعداد 17 لاکھ 7 ہزار 310(1.7 ملین) تک پہنچ گئی۔
ایس پی اے کے مطابق بیرون مملکت سے 15 لاکھ 46 ہزار 655 حجاج مختلف راستوں سے سعودی عرب آنے جبکہ داخلی حجاج جن میں شہری اور رہائشی شامل ہیں، کی تعداد ایک لاکھ 60 ہزار 646 رہی۔
یہ بھی پڑھیں:اے ایمان والو! تقویٰ اختیار کرو، جن قوموں نے ظلم اور ناشکری کی ان سے نعمتیں چھین لی گئیں، خطبہ حج
اتھارٹی کا کہنا ہے ’اندرون اور بیرورن ملک سے آنے والے حجاج کی مجموعی تعداد میں مرد 8 لاکھ 93 ہزار 396 جبکہ خواتین کی تعداد 8 لاکھ 13 ہزار 905 رہی ہے۔
بیرون مملکت سے آنے والوں میں فضائی راستے سے 14 لاکھ 85 ہزار 729 ، بری راستے سے 54 ہزار 429 جبکہ بحری راستے سے 6 ہزار 497 حجاج سعودی عرب پہنچے۔
بیرون مملکت سے آنے والے حجاج کا تعلق 165 قومیتوں سے ہے۔ 3 لاکھ 88 ہزار 700 حجاج نے مکہ روٹ انیشٹیو سے فائدہ اٹھایا۔
یہ بھی پڑھیں:عالم اسلام اور پاکستان کی سلامتی و استحکام کیلئے دعاکریں، سردار یوسف کی حجاج کرام سے اپیل
واضح رہے محکمہ شماریات نے یہ اعداد وشمار وزارت داخلہ کے انتظامی ریکارڈ کی مدد سے جاری کیے ہیں۔ بیرون مملکت سے 15 لاکھ 6 ہزار 576 حجاج سعودی عرب پہنچے جبکہ داخلی حجاج کی تعداد ایک لاکھ 66 ہزار 654 رہی تھی۔
