کراچی/اسلام آباد: ملک بھر کی صرافہ مارکیٹوں میں سونے کی قیمتوں سے متعلق تازہ ترین اعداد و شمار جاری کر دیے گئے ہیں، جس کے مطابق عالمی مارکیٹ کے اثرات کے باعث مقامی سطح پر بھی قیمتوں میں نمایاں فرق دیکھا جا رہا ہے۔ صرافہ بازار کی نئی رپورٹ کے مطابق مختلف کیرٹس کے ریٹس میں تبدیلی ریکارڈ کی گئی ہے، جس نے خریداروں اور سرمایہ کاروں کی توجہ اپنی جانب مبذول کر لی ہے۔
تفصیلات کے مطابق، 24 کیرٹ خالص سونے کی قیمت فی تولہ 5 لاکھ 6 ہزار روپے جبکہ 10 گرام کی قیمت 4 لاکھ 33 ہزار 813 روپے ریکارڈ کی گئی ہے۔ اسی طرح 22 کیرٹ سونا فی تولہ 4 لاکھ 63 ہزار 953 روپے اور 10 گرام 3 لاکھ 97 ہزار 662 روپے میں دستیاب ہے۔
یہ بھی پڑھیں: سونے کی قیمت میں ایک بار پھر بڑا اضافہ ہوگیا
جیولری میں زیادہ استعمال ہونے والے 21 کیرٹ سونے کی قیمت فی تولہ 4 لاکھ 42 ہزار 863 روپے جبکہ 10 گرام 3 لاکھ 79 ہزار 587 روپے مقرر کی گئی ہے۔
رپورٹ کے مطابق 20 کیرٹ سونا فی تولہ 4 لاکھ 21 ہزار 775 روپے اور 10 گرام 3 لاکھ 61 ہزار 511 روپے میں فروخت ہو رہا ہے۔ جبکہ 18 کیرٹ سونے کی قیمت فی تولہ 3 لاکھ 79 ہزار 597 روپے اور 10 گرام 3 لاکھ 25 ہزار 360 روپے تک پہنچ گئی ہے۔ دوسری جانب عالمی مارکیٹ میں 24 کیرٹ سونے کی قیمت 4832 ڈالر فی اونس ریکارڈ کی گئی ہے، جس کے براہِ راست اثرات مقامی مارکیٹ پر بھی مرتب ہو رہے ہیں۔ صرافہ بازار کے ماہرین کا کہنا ہے کہ عالمی نرخوں میں مسلسل اتار چڑھاؤ کے باعث مقامی قیمتوں میں مزید تبدیلی کا امکان موجود رہتا ہے۔
