مقبوضہ جموں و کشمیر کے عوام نے مشکل گھڑی میں اپنے ایرانی بھائیوں کی مدد کر کے انسانی ہمدردی کی ایک نئی تاریخ رقم کر دی ہے۔ حالیہ جنگ سے متاثرہ ایرانی شہریوں کے لیے کشمیریوں نے دل کھول کر عطیات جمع کروائے ہیں، جس پر ایرانی سفارت خانے کی جانب سے خصوصی شکریہ ادا کیا گیا ہے۔
بڈگام اور بارہ مولا کے شہریوں کا جذبۂ ایثار:
رپورٹ کے مطابق، مقبوضہ وادی کے مختلف علاقوں بالخصوص بڈگام اور بارہ مولا کے رہائشیوں نے ایران میں جنگ سے متاثرہ افراد کے لیے قائم امدادی فنڈ میں اپنی جمع پونجی نچھاور کر دی۔ کشمیری عوام نے نہ صرف بھاری مقدار میں نقد رقم عطیہ کی، بلکہ خواتین نے اپنے سونے اور چاندی کے زیورات سمیت دیگر قیمتی اشیاء بھی جنگ زدہ بہن بھائیوں کی امداد کے لیے پیش کر دیں۔
یہ بھی پڑھیں: کشمیری سیاستدان عید کہاں کہاں منائیں گے؟ تفصیلی رپورٹ جاری
ایرانی سفارت خانے کا ردِعمل:
ایرانی سفارت خانے نے کشمیری عوام کے اس فراخدلانہ اقدام کو سراہتے ہوئے ان کا شکریہ ادا کیا ہے۔ سفارت خانے کے مطابق، کشمیریوں کی جانب سے مشکل وقت میں سونا، چاندی اور نقدی کی صورت میں دی گئی یہ مدد دونوں خطوں کے درمیان گہرے انسانی اور روحانی تعلق کا ثبوت ہے۔
