راولپنڈی (کشمیر ڈیجیٹل) راولپنڈی میں رمضان کے پہلے ہی دن پھل کی قیمتیں آسمان سے باتیں کرنے لگیں۔ دوکانداروں اور ٹھیلے پر پھل فروخت کرنے والوں نے تمام پھلوں کی از خود قیمتیں بڑھا دیں۔
افطاری کے وقت زیادہ پسند کئے جانے والے پھل اس وقت اصل قیمتوں سے دو گنا تک قیمت پر فروخت ہو رہے ہیں۔سیب 300 روپے فی کلو سے 550 روپے فی کلو تک فروخت ہو رہا ہے، کیلا 300 روپے فی درجن سے 400 فی درجن تک قیمت میں فروخت کیا جا رہا ہے۔
امرود کا ڈپٹی کمشنر کی طرف سے نرخ 145روپے فی کلو مقرر کروایا گیا لیکن رمضان کے پہلے دن امرود 250 روپے فی کلو سے 300 روپے فی کلو تک فروخت کیا جا رہا ہے۔
مزید یہ بھی پڑھیں:آئی جی لیاقت علی ملک افطاری لیکر برار کوٹ پہنچ گئے، نوجوانوں کے درمیان مل جل گئے
یہ سب پھل فروٹ چاٹ میں استعمال کئے جاتے ہیں اور فروٹ چاٹ کو رمضان کے مہینے میں افطاری کے وقت ایک پسندیدہ ڈش سمجھا جاتا ہے۔
سٹابری 1000 روپے کلو ، انار 800 روپے کلو فروخت کیا جارہا ہے ۔بہت سے دوکانداروں اور ریڑھی بانوں کنے سرکاری نرخ نامے آویزاں کرنے کی زحمت ہی نہیں کی۔
مزید یہ بھی پڑھیں:پاکستان کے فیلڈ مارشل عظیم شخصیت،بہترین فائٹر ہیں،صدر ٹرمپ
پھل فروش سرکاری ریٹ لسٹ چھپا کر ضرورت مند شہریوں سے پھل کی من چاہی قیمت مانگی اور وصول کررہے ہیں۔
پھل فروش سرکاری نرخ نامہ مانگنے پر بہانہ کرتے ہیں کہ سرکاری نرخ نامہ تو جاری ہی نہیں ہوا، کسی نے انہیں سرکاری نرخ نامہ دیا ہی نہیں،نہ ہی کوئی چیک کرنے آیا۔
