برطانوی میڈیا کا کہنا ہے کہ ایران میں کرنسی کی قدر میں گراوٹ، مہنگائی اور مظاہروں کے باوجود حکومت گرنے کے آثار نہیں۔ ایران میں حالیہ دنوں میں جاری مظاہروں، جلاؤ گھیراؤ اور لوٹ مار کے واقعات کے حوالے سے برطانوی میڈیا نے تفصیلات پیش کی ہیں۔
برطانوی میڈیا نے ایران میں پچھلے ہفتے ہونے والے جلاؤ گھیراؤ اور لوٹ مار کے واقعات میں ملوث فسادیوں اور نقصانات کی نئی ویڈیوز جاری کی ہیں۔ ان ویڈیوز میں دیکھا جا سکتا ہے کہ کس طرح مختلف شہروں میں پرتشدد عناصر نے املاک کو نقصان پہنچایا۔ برطانوی میڈیا کے مطابق یہ ویڈیوز ایران میں انٹرنیٹ بندش کے سبب پہلے سامنے نہیں آ سکیں تھیں۔
یہ بھی پڑھیں: ایران میں اسٹار لنک کے ذریعے مفت انٹرنیٹ فراہم کر دیا گیا
برطانوی میڈیا نے ایرانی سرکاری میڈیا کے کلپس بھی نشر کیے ہیں، جن میں حکومت کی طرف سے ہونے والے اقدامات اور سکیورٹی فورسز کی کارروائیوں کی جھلکیاں شامل ہیں۔ ذرائع کا کہنا ہے کہ ایران نے امریکہ اور اسرائیل کو حالیہ فسادات میں ملوث قرار دیا ہے۔ برطانوی میڈیا کے مطابق ایران میں کرنسی کی قدر میں گراوٹ اور مہنگائی کے باوجود حکومت کے گرنے کے کوئی آثار نہیں ہیں۔
مزید برطانوی میڈیا نے رپورٹ میں کہا کہ ایران کی اعلیٰ ترین سکیورٹی اسٹیبلشمنٹ میں بھی کسی قسم کی دراڑیں نظر نہیں آ رہیں۔ مظاہروں اور معاشی مشکلات کے باوجود حکومت کی مضبوط پوزیشن برقرار ہے اور ملکی انتظامیہ نے ملک میں امن و امان قائم رکھنے کے لیے موثر اقدامات کیے ہیں۔
یہ بھی پڑھیں: ایران میں حکومت مخالف مظاہرے، امریکی شہریوں کو ایران چھوڑنے کی ہدایت
برطانوی میڈیا کے تجزیے میں یہ بھی شامل ہے کہ ایران میں جاری مظاہروں اور معاشی بحران کے باوجود حکومتی ڈھانچہ مستحکم ہے اور کوئی ایسا ثبوت موجود نہیں جو حکومت کے گرنے کی نشاندہی کرے۔ اس کے علاوہ ایران نے اندرونی حالات کے لیے بیرونی عوامل کو ذمہ دار ٹھہرایا ہے اور اپنے شہریوں کو محفوظ رکھنے کے لیے سخت اقدامات جاری رکھے ہیں۔
