دھیرکوٹ میں وزیراعظم آزاد جموں و کشمیر فیصل ممتاز راٹھور نے خطاب کرتے ہوئے اہلیانِ دھیرکوٹ کا دل کی اتہاہ گہرائیوں سے شکریہ ادا کیا۔
ان کا کہنا تھا کہ اہلیانِ دھیرکوٹ نے جس محبت، جذبے اور لگاؤ سے استقبال کیا، یہ ان کے والد ممتاز راٹھور کا اثاثہ ہے۔ وزیراعظم نے اپنے خطاب میں متعدد نکات پر گفتگو کی اور عوامی خدمت کے عزم کا اظہار کیا۔
محبت اور جذبے سے بھرپور استقبال:
وزیراعظم نے کہا کہ “اہلیان دھیرکوٹ کا دل کی اتہاہ گہرائیوں سے شکریہ ادا کرتا ہوں” اور مزید کہا کہ “اہلیان دھیرکوٹ نے جس محبت، جذبے اور لگاؤ سے استقبال کیا یہ میرے والد ممتاز راٹھور کا اثاثہ ہے”۔ انہوں نے کہا کہ وہ عوام سے کیے گئے وعدوں پر پورا اترنے کے لیے ہر ممکن کوشش کریں گے۔
ممتاز حسین راٹھور کی جھلک نظر آنے کا عزم:
خطاب کے دوران وزیراعظم نے کہا کہ “آپ کو یقین دلاتا ہوں انشاءاللہ آپ کو اس حکومت میں ممتاز حسین راٹھور کی جھلک نظر آئے گی”۔ انہوں نے واضح کیا کہ یہ حکومت عام آدمی کی حکومت ہے اور اس حکومت کی اونرشپ عوام کے پاس ہے۔
یہ بھی پڑھیں: ارجہ بازار میں وزیراعظم آزادکشمیر فیصل ممتاز راٹھور کا پرتپاک استقبال
وزیراعظم ہاؤس کے دروازے کارکنوں کے لیے کھلے:
انہوں نے کہا کہ “یہاں کے ہر کارکن کیلیے وزیراعظم ہاؤس کے دروازے 24 گھنٹے کھلے ہیں”۔ وزیراعظم نے اس عزم کا اظہار بھی کیا کہ “ہم نے پوری کوشش کرنی ہے کہ عوام کا اعتماد بحال کریں”۔
عوامی خدمت کیلئے ہر لمحہ وقف کرنے کا اظہار:
وزیراعظم نے کہا کہ “ایک ایک دن، ایک ایک لمحہ اور ایک ایک منٹ عوام کی خدمت میں صرف کریں گے”۔ انہوں نے مزید کہا کہ “چیزیں زمین پر نظر آئیں گی، بظاہر یہ چند ماہ کی حکومت ہے مگر اس کا اصل آغاز 2026 سے 2031 تک ہو گا”۔
عوامی حقوق اور اہم فیصلوں میں تاخیر نہ کرنے کا اعلان:
وزیراعظم نے کہا کہ “عوام کے حقوق کا معاملہ حل کرنا ہماری اولین ترجیح ہو گی”۔ انہوں نے بتایا کہ “صحت کارڈ کا اجراء کر دیا ہے” اور کہا کہ “تمام مسائل جو عوام سے جڑے ہیں اور جو میرے دستخط سے حل ہونے ہیں اس میں ایک لمحہ تاخیر نہیں کرونگا”۔
یہ بھی پڑھیں:وزیر اعظم آزاد جموں کشمیر آج سے پونچھ ڈویژن کا دو روزہ دورہ کریں گے
عوامی اعتماد کی بحالی اور حکومت کا مستقل سفر:
وزیراعظم فیصل ممتاز راٹھور نے کہا کہ “انشاءاللہ ابھی یہ آغاز ہے، کیل سے حویلی تک عوام کا اعتماد بحال ہوا ہے”۔ ساتھ ہی کہا کہ “آپ کا یہاں موجود ہونا اس حکومت پر عوام کے اعتماد کا مظہر ہے”۔ اپنے خطاب کے اختتام پر وزیراعظم نے واضح کیا کہ “یہ ایم ایل ایز کی حکومت نہیں ہے، یہ پیپلز پارٹی کی حکومت ہے”۔
