اسلام آباد :سینیٹر فیصل واوڈا نے وزیراعلیٰ خیبرپختونخوا سہیل آفریدی کو مشورہ دیتے ہوئے کہا ہے کہ وہ وزیر اعظم اور صدرِ مملکت سے ملاقات کریں اور پاکستان تحریکِ انصاف کے بانی عمران خان کے لیے سازگار ماحول پیدا کریں۔
پارلیمنٹ ہاؤس کے باہر میڈیا سے گفتگو کرتے ہوئے فیصل واوڈا نے بتایا کہ سیف اللہ ابڑو اور احمد ملک ان کے بھائی ہیں اور وہ اس وقت ان کے ساتھ ناشتہ کر کے آرہے ہیں۔ صحافی نے پوچھا کہ ناشتہ کہاں کیا گیا، جس پر واوڈا نے جواب دیا کہ وہ دونوں اس وقت میرے گھر پر موجود ہیں اور آج ووٹ دینے کے لیے تیار ہیں۔ مزید برآں، تین اور افراد بھی ووٹ دینے کے لیے رضامند ہیں۔
یہ بھی پڑھیں: نادرا میں مختلف آسامیوں کا اعلان،آخری تاریخ سامنے آ گئی
صحافیوں کے سوالات کے جواب میں انہوں نے کہا کہ یہ تین افراد پارلیمنٹ میں موجود ہیں اور انہوں نے وضاحت کی کہ لکھنے پڑھنے کی عادت نہ ہونے کی وجہ سے بعض اوقات غلطیاں ہو جاتی ہیں، لیکن یہ ہر فرد کا جمہوری حق ہے۔ انہوں نے کہا کہ قومہ اور فل اسٹاپ کی چھوٹی چھوٹی غلطیاں درست کر کے دوبارہ پیش کی جائیں، کیونکہ آج کی صورتحال میں مٹھائی کی تیاری بھی ممکن نہیں۔
فیصل واوڈا نے وزیراعلیٰ خیبرپختونخوا کے امن جرگہ اقدام کو سراہا اور کہا کہ صوبائی حکومت کو اعتماد میں لینا چاہیے۔ انہوں نے زور دیا کہ سہیل آفریدی وزیر اعظم اور صدر سے ملاقات کریں تاکہ عمران خان کے لیے سازگار ماحول پیدا ہو سکے۔
یہ بھی پڑھیں: سینیٹ نے 27ویں آئینی ترمیم بل میں اضافی ترامیم کی منظوری دے دی
سینیٹر نے مزید کہا کہ آنے والے دنوں میں چھوٹی چھوٹی کوششوں سے حالات میں تبدیلی لانے کی کوشش کی جائے گی، تاہم ان کی خواہش ہے کہ عمران خان باہر آئیں کیونکہ موجودہ صورتحال ان کی نظر میں مناسب نہیں۔ انہوں نے دعویٰ کیا کہ وہ بانی پی ٹی آئی کے خیر خواہ ہیں اور ہر ممکن مدد کرنے کے لیے تیار ہیں۔
