ماسکو(کشمیر ڈیجیٹل)روسی صدر ویلادیمیر پیوٹن نے مغربی فورسز کی یوکرین میں تعیناتی پر انہیں نشانہ بنانے کی دھمکی دیدی۔ روسی صدر کا کہنا تھا کہ یوکرین سے بات چیت کیلئے بہترین جگہ ماسکو ہے، یوکرین کی قیادت ماسکو آئے ہم انہیں سکیورٹی دینگے۔
روسی صدر ولادی میر پیوٹن نے کہا ہے کہ مغربی فوجی دستے یوکرین میں تعینات ہوئے تو وہ روسی حملوں کا قانونی ہدف ہوں گے۔
ایسٹرن اکنامک فورم سے خطاب میں روسی صدر نے کہا کہ امن معاہدہ ہونے کی صورت میں یوکرین میں مغربی فوجی دستوں کی تعیناتی کا کوئی جواز نہیں، اگر غیر ملکی فوجی دستے یوکرین میں تعینات ہوئے تو وہ روسی حملوں کا قانونی ہدف ہوں گے۔
پیوٹن نے کہا کہ روس یوکرین سے متعلق معاہدوں کی پاسداری کرے گا اور مذاکرات کے لیے بھی تیار ہے لیکن یہ مذاکرات بے معنی نظر آتے ہیں۔
روسی صدر کا کہنا تھا کہ یوکرین سے بات چیت کے لیے بہترین جگہ ماسکو ہے، یوکرین کی قیادت ماسکو آئے ہم انہیں سکیورٹی دینگے۔
واضح رہے کہ فروری 2022 سے جاری روس، یوکرین جنگ میں اب تک دونوں ممالک کے لاکھوں فوجی اور شہری ہلاک اور زخمی ہوچکے ہیں۔
مزید یہ بھی پڑھیں:میچ پریکٹس اور اسپانسر کا بحران،ایشیاء کپ سے قبل بھارت بڑی مشکل میں پھنس گیا
