اسلام آباد: پاکستان نے بھارت کیلئے اپنی فضائی حدود مزید ایک ماہ بند رکھنے کا فیصلہ کیا ہے۔
پاکستان ائیرپورٹس اتھارٹینے بھارتی طیاروں کیلئے پاکستانی فضائی حدودبندش میں 23 ستمبر تک توسیع کا نوٹم جاری کر دیا ہے۔ پی اےاے نے بھارتی طیاروں کیلئے فضائی حدود کی بندش میں توسیع کا نیا نوٹم جاری کیا۔
بھارتی طیاروں کیلئے 23 اپریل سے پاکستان نے فضائی حدود بند کر رکھی ہے۔ پاکستان کی فضائی حدود بندش سے بھارتی ایئرلائنز کو 35ارب سے زائد کا نقصان ہو چکا ہے۔
اس سے قبل پاکستان نے بھارت کیلئے فضائی حدود مزید ایک ماہ بند رکھنے کی توسیع کرتے ہوئے 24 اگست تک پابندی برقرار رکھی تھی۔
یہ پابندی مسافر و فوجی دونوں طیاروں پر بھی لاگو ہوتی ہے جبکہ بھارتی رجسٹرڈ یا لیز پر لیے گئے طیارے بھی پاکستانی فضائی حدوداستعمال نہیں کرسکیں گے۔
خیال رہے پاک بھارت کشیدگی کے باعث بھارتی ایئرلائنز کے لیے پاکستان کی فضائی حدود 23 اپریل سے بند ہے۔
