چیمپئنز ٹرافی کے لئے قومی ٹیم میں شامل نہ کئے جانے پر کرکٹر امام الحق نے سوشل میڈیا پر معنی خیز پیغام دیدیا۔
اپنی ٹوئٹ میں امام الحق نے کہا کہ ٹیم کا اعلان میری تو قع کے عین مطابق نہیں لیکن کرکٹ کاسفر ابھی ختم نہیں ہوا یہی زندگی ہے۔ ان کا کہہا تھا کہ سب کچھ یہی ہے کہ ہر مشکل کے ساتھ آگے بڑھنا ہے اور خود کو مضبوط سے مضبوط ترین بنانا ہے اور مجھے سب سے اہم صبر اور اللہ پر بھروسہ ہے۔امام الحق نے چیمپئنز ٹرافی کیلئے قومی ٹیم کے اعلان کے بعد اپنے پیغام میں لکھا، امام الحق ون ڈے اسکواڈ کے لیےمضبوط امیدوار سمجھے جا رہے تھے لیکن اسکواڈ میں شامل نہیں کیا گیا۔
یہ بھی پڑھیں:چیمپئینز ٹرافی :فہیم اشرف کی شمولیت پر فینز کی سلیکشن کمیٹی پر شدید تنقید
خیال رہے کہ پاکستان کے 15 رکنی اسکواڈ میں بیٹرز بابر اعظم، فخر زمان، کامران غلام، سعود شکیل، اور طیب طاہر شامل ہیں جبکہ آل راؤنڈرز میں فہیم اشرف، خوشدل شاہ اور سلمان علی آغا (نائب کپتان) اسکواڈ میں شامل ہیں۔15 رکنی اسکواڈ میں وکٹ کیپر بیٹرز محمد رضوان (کپتان) اور عثمان خان بھی ٹیم کا حصہ ہیں جبکہ بولرز میں اسپنر ابرار احمد اور فاسٹ بولرز حارث رؤف، محمد حسنین، نسیم شاہ اور شاہین شاہ آفریدی کو گرین شرٹس کا حصہ بنایا گیا ہے ۔
