واشنگٹن:امریکی محکمہ خارجہ کی ترجمان ٹیمی بروس نے بھارتی حکومت کے اس دعوے کو جھوٹا قرار دیا ہے کہ پاک بھارت جنگ بندی میں واشنگٹن کا کوئی کردارنہیں تھا۔
ٹیمی بروس نے کہا کہ اکثر تبصرے خود اپنی وضاحت کر دیتے ہیں اور جدید دور میں حقیقت جاننے کیلئے صرف کسی کے تبصرے پر انحصار کرنا درست نہیں ہوتا۔
ترجمان امریکی محکمہ خارجہ ٹیمی بروس کی پریس کانفرنس میں کہا کہ وزیرخارجہ روبیو نے کہا پاکستان بھارت کی جنگ رکوائی۔
ٹیمی بروس نے کہا کہ اکثر تبصرے خود اپنی وضاحت کر دیتے ہیں اور جدید دور میں حقیقت جاننے کیلئے صرف کسی کے تبصرے پر انحصار کرنا درست نہیں ہوتا۔
یہ بھی پڑھیں: صدر ڈونلڈ ٹرمپ اپنے دور میں مسئلہ کشمیر حل کر سکیں گے،امریکی محکمہ خارجہ نے امید ظاہر کردی
انہوں نے کہا کہ بعض لوگوں کی رائے غلط بھی ہو سکتی ہے اور اس سلسلے میں امریکی نائب صدر جے ڈی وینس کو بھی پاک بھارت مذاکرات میں شریک ہونے کے ناطے تسلیم کیا جانا چاہیے۔
مودی سرکار کی جانب سے واشنگٹن کے کردار کو نظر انداز کرنے کے دعوے کے بعد امریکی محکمہ خارجہ کے ترجمان کے بیان نے ان دعووں کی سختی سے تردید کی ہے جس سے یہ واضح ہوتا ہے کہ امریکہ نے پاک بھارت جنگ بندی مذاکرات میں اہم کردار ادا کیا ہے۔
یہ بھی پڑھیں: ایئرچیف کاتاریخی دورہ امریکا،اعلیٰ فوجی وسیاسی قیادت سے اہم ملاقاتیں
یاد رہے کہ بھارت کی جانب سے کی بار دعوے کئے گئے ہیں کہ جنگ بندی میں امریکا کا کوئی کردار نہیں حالانکہ جنگ بندی کا ٹویٹ بھی ڈونلڈ ٹرمپ نے کیا تھا۔
انہوں نے کہا کہ آرمینیا آذربائیجان میں امن معاہدے کی کوشش ہورہی ہے۔ صدر ٹرمپ غزہ میں پیشرفت کےحوالے سے پر امید ہیں۔
پریس کانفرنس کے دوران ان کہنا تھا کہ صدر ٹرمپ کی نیتن یاہو سے ملاقات ہورہی ہے۔ غزہ میں پیش رفت پرٹیمی بروس نےاسٹیوونکوف کابیان پڑھ کرسنایا۔ کہا ہماری توجہ اس وقت غزہ میں جنگ بندی ہے۔
