لاہور(کشمیرڈیجیٹل)پاکستان کرکٹ ٹیم کے ون ڈے کپتان محمد رضوان سے کپتانی واپس لئے جانے کا قوی امکان ہے۔
پی سی بی ذرائع کاکہنا ہے کہ پاکستان کرکٹ بورڈ اگلے چند روز میں کپتانی کی تبدیلی کا حتمی فیصلہ کرے گا ،ون ڈے کرکٹ کپتانی کیلئے سلمان علی آغا مضبوط امیدوار ہیں۔
ذرائع کاکہنا ہے کہ نئے ہیڈ کوچ مائیک ہیسن نے کپتان اور نائب کپتان کے انتخاب کیلئے مشاورت کا عمل شروع کر دیا ، کپتانی کا فیصلہ نئے کوچنگ سٹاف کے ساتھ مل کر کیا جائے گا۔
ذرائع کا مزید کہنا ہے کہ ون ڈے کپتانی کیلئے آل راؤنڈر سلمان علی آغا کو مضبوط امیدوار سمجھا جا رہا ہے ۔ یادرہے کہ محمد رضوان کو اکتوبر 2024 میں ون ڈے اور ٹی ٹوئنٹی دونوں فارمیٹس کی کپتانی سونپی گئی تھی۔
چیمپئنز ٹرافی 2025 میں پاکستان کی ناقص کارکردگی کے بعد ٹی ٹوئنٹی کپتانی ان سے واپس لے کر سلمان علی آغا کو دی گئی تھی۔
راولاکوٹ واقعہ معمولی نہیں اس کے پیچھے ایک ایجنڈا اور منظم سازش ہے،فاروق حیدر خان
