اسلام آباد(کشمیر ڈیجیٹل)اسلام آباد ہائیکورٹ میں پیشی کے بعد سینیٹر شبلی فراز، چیئرمین پی ٹی آئی بیرسٹر گوہر نے صحافیوں سے گفتگوکرتے ہوئے کہا کہ امید ہے کہ جلد کیس فکس ہوجائےگا اور بانی تحریک انصاف عمران خان عید سے پہلے رہا ہوجائیں گے ۔
بیرسٹر گوہر کا کہناتھا کہ کارکنان تحریک انصاف اپنے جذبات قابو میں رکھیں، ہم بانی پی ٹی آئی کی رہائی کیلئے ہر ممکن کوشش کر رہے ہیںہم نے دھرنے اور احتجاج بھی کئے، ہم اسمبلی میں بھی آواز اٹھارہے ہیں ۔
بیرسٹر گوہر علی خان نے کہا کہ بانی پی ٹی آئی کی رہائی کیلئے ورکرز کا سوالات اٹھانا ٹھیک ہے ہم ورکرز کے جذبات کی قدر کرتے ہیں، کوئی بھی یہ تصور نہیں کر سکتا ہے عمران خان نے دو سال جیل میں کیوں گزارے۔
انہوں نے کہا کہ بانی پی ٹی آئی کا کہنا ہے اللہ کی عبادت کرتے ہیں اور اللہ سے مدد مانگتے ہیں، ہر مشکل میں اللہ سے مدد مانگتے ہیں اور اللہ راستہ نکالے گا۔
چیئرمین پی ٹی آئی کا کہنا تھا کہ دو سالوں سے ہمارے لوگ برداشت کرتے کرتے تھک گئے اور ججز بھی فیصلہ لکھتے لکھتے تھک گئے ہیں، ہم کوشش کر رہے ہیں بانی پی ٹی آئی کے کیسز لگیں اور میرٹ پر فیصلے ہوں۔
سینیٹ میں اپوزیشن لیڈر شبلی فراز کا کہنا تھا کہ قائم مقام چیف جسٹس نے ہمارے بیرسٹر گوہر اور لطیف کھوسہ کو کمٹمنٹ کی تھی کہ رواں ہفتے عمران خان کی درخواستیں مقرر ہونی ہے، قائم مقام چیف جسٹس نے وعدہ کیا ہے کسی عام آدمی نے نہیں اور قائم مقام چیف جسٹس کے وعدے میں کوئی بات تو ہوگی۔
انہوں نے کہا کہ کسی کے لیے انصاف کے دروازے بند ہونے سے عدم استحکام ہوگا، سائل عدالت میں انصاف لینے آتے ہیں اور اگر سائل کو انصاف فراہم نہ کیا جائے تو یہ زیادتی ہے۔ ہم آئین اور قانون پر یقین رکھتے ہیں، ہم پریشر ڈالنے کے لیے آتے رہیں گے۔
شبلی فراز کا کہنا تھا کہ 26 ویں آئینی ترمیم پیپلز پارٹی اور ن لیگ کی مرہون منت ہے، دونوں جماعتوں نے اپنی سیاست تباہ کر دی ہے، عمران خان کی رہائی ہوتے ہی ان دونوں کی حکومت ختم ہو جائے گی۔
فرانسیسی صدر کو جہاز سے اترتے ہوئے اہلیہ کے ”تھپڑ“ نے سوشل میڈیا پر ہلچل مچا دی،ویڈیو وائرل
