مظفرآباد (کشمیر ڈیجیٹل)سپریم کورٹ آزاد جموں و کشمیر نے ڈاکٹر عامر شہزاد کی جانب سے بطور ڈی ایچ او مظفرآباد تعیناتی کا حکم منسوخ کرنے سے متعلق عدالتی فیصلے کیخلاف دائر نظرثانی اپیل مسترد کر دی۔
عدالت عظمیٰ کے اس فیصلے کے بعد ڈاکٹر عامر شہزاد کی تعیناتی منسوخ کرنے سے متعلق سابقہ عدالتی حکم برقرار رہے گا۔
تفصیلات کے مطابق ڈاکٹر عامر شہزاد کی بطور ڈسٹرکٹ ہیلتھ آفیسر مظفرآباد تعیناتی کے معاملے پر قانونی کارروائی جاری تھی
سپریم کورٹ آزاد جموں و کشمیر نے قبل ازیں اس تعیناتی کا حکم منسوخ کرتے ہوئے متعلقہ سروس ٹریبونل کو ہدایت جاری کی تھی کہ وہ زیرِ سماعت مقدمے کا فیصلہ دو ماہ کے اندر میرٹ پر کرے۔
مزید یہ بھی پڑھیں:وزیراعظم افتخار گیلانی کا سی ایم ایچ فلائی اور منصوبہ 45دن میں مکمل کرنے کا حکم
عدالت عظمیٰ کے مذکورہ فیصلے کے خلاف ڈاکٹر عامر شہزاد نے نظرثانی کی درخواست دائر کی تھی، جس میں سابقہ عدالتی فیصلے پر نظرثانی کی استدعا کی گئی تھی۔
تاہم سپریم کورٹ آزاد کشمیر نے نظرثانی اپیل مسترد کر دی، جس کے نتیجے میں تعیناتی منسوخ کرنے کا سابقہ فیصلہ برقرار رہا۔
اس پیش رفت کو ڈاکٹر عامر شہزاد کی تعیناتی سے متعلق جاری قانونی معاملے میں ایک اہم پیش رفت قرار دیا جا رہا ہے۔
مزید یہ بھی پڑھیں:سپریم کورٹ: محکمہ صحت میں جعلی اسناد پر بھرتیاں،ضیاء القمر کیخلاف درخواست سماعت کیلئے مقرر
اب اس مقدمے کے حتمی فیصلے کے لیے سروس ٹریبونل کی کارروائی اہمیت اختیار کر گئی ہے، جسے سپریم کورٹ کی سابقہ ہدایت کے مطابق مقدمے کا فیصلہ کرنا ہے۔
واضح رہے کہ سپریم کورٹ کی جانب سے نظرثانی اپیل مسترد کیے جانے کا مطلب یہ ہے کہ عدالت نے اپنے سابقہ فیصلے میں مداخلت کی درخواست قبول نہیں کی اور تعیناتی منسوخ کرنے سے متعلق حکم برقرار رکھا ہے۔
