وادی نیلم (کشمیر ڈیجیٹل) وادی نیلم کے سب ڈویژن شاردہ میں زیرِ تعمیر دانش سکول کے تعمیراتی کام کے دوران افسوسناک حادثہ پیش آیا، جہاں بجری اور ریت لے جانے والا ڈمپر حادثے کا شکار ہو گیا۔ حادثے کے نتیجے میں ڈمپر کا ڈرائیور موقع پر ہی جاں بحق ہو گیا۔
ابتدائی اطلاعات کے مطابق حادثہ اس وقت پیش آیا جب دانش سکول شاردہ کی تعمیراتی سائٹ پر تعمیراتی سامان کی ترسیل کا کام جاری تھا۔
مزید یہ بھی پڑھیں:ڈڈیال میں امن و امان کے قیام کیلئے پولیس کا فلیگ مارچ
ڈمپر بجری اور ریت لے کر تعمیراتی مقام کی جانب جا رہا تھا کہ اچانک حادثے کا شکار ہو گیا۔ حادثہ اتنا شدید تھا کہ ڈرائیور جانبر نہ ہو سکا اور موقع پر ہی دم توڑ گیا۔
جاں بحق ہونے والے ڈرائیور کا تعلق وادی نیلم کے علاقے چلہانہ سے بتایا جا رہا ہے۔
واقعے کی اطلاع ملتے ہی علاقے میں افسوس اور تشویش کی فضا پھیل گئی جبکہ مقامی افراد نے حادثے پر گہرے دکھ اور رنج کا اظہار کیا۔
حادثے کے باعث تعمیراتی منصوبے کے مقام پر افسوسناک صورتحال پیدا ہو گئی۔
مزید یہ بھی پڑھیں:عوام کالعدم ایکشن کمیٹی کی منفی سرگرمیوں سے تنگ آچکے،محمد علی راٹھور ایڈووکیٹ
تاہم حادثے کی وجوہات، ڈمپر کو پیش آنے والے واقعے کی نوعیت اور دیگر تفصیلات تاحال سامنے نہیں آسکیں۔
