باغ، آزاد کشمیر: ممبر قانون ساز اسمبلی حلقہ غربی باغ ساجد اقبال کی کسی بھی سیاسی جماعت میں باضابطہ شمولیت سے متعلق سوشل میڈیا پر گردش کرنے والی تمام خبروں کو یکسر مسترد کرتے ہوئے فیک اور بے بنیاد قرار دے دیا گیا ہے۔
حکومت سازی میں شمولیت کی دعوت:
ترجمان جموں و کشمیر عوامی دست و بازو سردار نئیر عباسی کے مطابق مسلم لیگ ن کی جانب سے ساجد اقبال کو حکومت سازی میں شمولیت کی دعوت ضرور دی گئی ہے جس پر مشاورت جاری ہے۔ تاہم انہوں نے واضح کیا کہ یہ شمولیت صرف سیاسی اتحاد کی صورت میں ہوگی اور اسے کسی جماعت میں ضم ہونے یا باضابطہ شمولیت سے تعبیر نہ کیا جائے۔
یہ بھی پڑھیں: آزاد کشمیر: وزیراعظم راجا فیصل ممتاز راٹھور اور ساجد اقبال عباسی کی کامیابی کا سرکاری نوٹیفکیشن جاری
آزاد شناخت اور ریاست گیر تنظیم سازی:
ترجمان نے زور دیا کہ جموں و کشمیر عوامی دست و بازو اپنی آزاد سیاسی شناخت اور منشور پر قائم ہے۔ انہوں نے اعلان کیا کہ حلقہ غربی باغ کے بعد جلد ہی آزاد جموں و کشمیر بھر میں تنظیم سازی کا باقاعدہ آغاز کیا جا رہا ہے۔
غیر مصدقہ خبروں سے گریز کی اپیل:
عوامی دست و بازو کی قیادت نے تمام کارکنان، ووٹرز اور عوام سے اپیل کی ہے کہ وہ سوشل میڈیا پر پھیلنے والی غیر مصدقہ خبروں پر کان نہ دھریں اور نہ ہی انہیں آگے شیئر کریں۔ ترجمان کا کہنا تھا کہ کوئی بھی حتمی اور مستند سیاسی فیصلہ صرف ساجد اقبال یا سردار نئیر عباسی کے آفیشل فیس بک پیجز کے ذریعے ہی جاری کیا جائے گا۔
