دوحہ : ترک صدر رجب طیب اردوان نے کہا ہے کہ آبنائے ہرمز کی بندش کسی بھی فریق کے مفاد میں نہیں، اس لیے اسے دوبارہ کھولنا ترجیح ہونی چاہیے۔
آبنائے ہرمز کی بندش کسی کے مفاد میں نہیں
قطری نشریاتی ادارے کو انٹرویو دیتے ہوئے رجب طیب اردوان نے آبنائے ہرمز کی صورتحال پر بات کرتے ہوئے کہا کہ اس اہم آبی گزرگاہ کو کھولنے کے لیے کوششیں ہونی چاہئیں۔ ان کے مطابق آبنائے ہرمز کی بندش کسی کے لیے فائدہ مند نہیں۔
قطر کی ثالثی کی کوششوں کو سراہا
ترک صدر نے خطے میں جاری لڑائی روکنے کے لیے ثالثی کی کوششوں میں کردار ادا کرنے پر قطر کو سراہا۔ انہوں نے علاقائی کشیدگی کے خاتمے اور امن کی کوششوں کی اہمیت پر بھی زور دیا۔
سعودی عرب اور پاکستان سے دفاعی معاہدے پر گفتگو
رجب طیب اردوان نے سعودی عرب اور پاکستان کے ساتھ حال ہی میں اعلان کیے گئے مشترکہ دفاعی معاہدے پر بھی گفتگو کی۔ انہوں نے کہا کہ مستقبل میں اس معاہدے میں مصر سمیت دیگر ممالک کے شامل ہونے کا امکان موجود ہے۔
خطے میں تعاون بڑھانے پر زور
ترک صدر کے مطابق علاقائی ممالک کے درمیان تعاون اور مشترکہ اقدامات خطے میں استحکام کے لیے اہم ہیں۔ انہوں نے موجودہ صورتحال میں سفارتی کوششوں کو آگے بڑھانے کی ضرورت پر زور دیا۔
مزید یہ بھی پڑھیں:ایران امریکہ امن معاہدے میں پاکستان کی کوششیں قابل تعریف ہیں : ترک صدر رجب طیب اردوان
