بھارت میں لڑکیوں سے زیادہ گائے محفوظ، آئین نہ بچایا تو ملک کشمیر جیسی جیل بن جائے گا،محبوبہ مفتی

تازہ ترین, دنیا / / By

نئی دہلی (کشمیر ڈیجیٹل)پیپلز ڈیموکریٹک پارٹی (پی ڈی پی) کی سربراہ اور مقبوضہ جموں و کشمیر کی سابق وزیر اعلیٰ محبوبہ مفتی نے مودی حکومت کی پالیسیوں پر شدید تنقید کرتے ہوئے کہا ہے کہ بھارت میں ان دنوں لڑکیوں کے مقابلے میں گائے زیادہ محفوظ ہے۔

سابق وزیراعلیٰ کشمیر محبوبہ مفتی نے خبردار کیا کہ اگر ملک کے آئین کی حفاظت نہ کی گئی تو پورا بھارت مقبوضہ جموں و کشمیر کی طرح ایک کھلی جیل میں تبدیل ہو جائے گا۔

مزید یہ بھی پڑھیں:مظفرآباد، پیپلزپارٹی کا جلسہ منسوخ، بلاول بھٹو 30جولائی کو آخری خطاب کرینگے،پارٹی ذرائع

محبوبہ مفتی کا کہنا تھا کہ اس وقت ملک کا آئین بچانے کی سخت ضرورت ہے۔ اگر آج نوجوانوں کے حقوق کا تحفظ نہ کیا گیا اور ان کی آواز کو دبا دیا گیا، تو مودی کا غرور جلد خاک میں مل جائے گا۔

انہوں نے احتجاج کرنے والے نوجوانوں کی حمایت کرتے ہوئے کہا کہ آج کا نوجوان شدید گرمی میں اپنے حقوق کے لیے بھوکا پیاسا سڑکوں پر نکلا ہوا ہے اور حکومتی پالیسیوں کے خلاف اپنے مطالبات سامنے رکھ رہا ہے۔

مزید یہ بھی پڑھیں: پیپلزپارٹی کا پائور شو،جعلی شیر کے غبارے سے ہوا نکل چکی، راجہ پرویز اشرف،کائرہ،جاوید بڈھانوی

سابق وزیر اعلیٰ نے مزید کہا کہ اگر نوجوانوں کے مطالبات کو تسلیم نہ کیا گیا اور ان کے حقوق پامال ہوتے رہے، تو ہم سب بے بس ہو جائیں گے اور پورا ملک کشمیر جیسی کھلی جیل بن کر رہ جائے گا۔

انہوں نے زور دے کر کہا کہ آج کا نوجوان ہی اس ملک اور آئین کو بچانے کی طاقت رکھتا ہے، کیونکہ اس وقت بھارت میں انسانی حقوق کی پامالیاں عروج پر ہیں اور خواتین تک محفوظ نہیں ہیں۔

Must Read