آزاد جموں و کشمیر الیکشن کمیشن نے عام انتخابات 2026 کے لیے قانون ساز اسمبلی کے تمام 45 انتخابی حلقوں کی حتمی اور فائنل حلقہ بندیوں کی باقاعدہ فہرست جاری کر دی۔جاری کردہ سرکاری دستاویزکے مطابق، سال 2026 کے عام انتخابات کے لیے تمام اضلاع اور مخصوص نشستوں کی حدود کا حتمی تعین کر دیا گیا ہے۔
اضلاع کے لحاظ سے انتخابی حلقوں کی مکمل تفصیلات:
- 1. میرپور ڈسٹرکٹ (ایل اے-1 سے ایل اے-4)
میرپور ڈسٹرکٹ-1: یہ حلقہ مکمل طور پر تحصیل ڈڈیال پر مشتمل ہے۔
میرپور ڈسٹرکٹ-2: یہ حلقہ مکمل طور پر تحصیل اسلام گڑھ پر مشتمل ہے۔
میرپور ڈسٹرکٹ-3: اس حلقے میں میرپور تحصیل کے پٹوار سرکلز خانپور، کھڑک، رتھوا محمد علی، تھوتھال، سنگوٹ، میرپور میونسپل ایریا اور نیو سٹی میرپور کے سیکٹر اے، بی، سی، ڈی، ای اور ایف شامل ہیں۔
میرپور ڈسٹرکٹ-4: اس میں میرپور تحصیل کے پٹوار سرکلز کھاری خاص، عزیز پور، لہری، سونکیا، بھلیالا (سیکٹر اے، بی، سی، ڈی، ای اور ایف کے علاوہ)، نیو سٹی میرپور کا سیکٹر ای اور ایف، خورد، پنڈی سبوروال، افضل پور، سموال شریف، پل منڈا، سہنگ، بانی، بلوارا، جاتلاں، جویاں، جنگیاں، پکھرال، نوگراں، ڈھال محمود اور رائے پور شامل ہیں۔
یہ بھی پڑھیں: ووٹر لسٹوں کی شفافیت کے لیے اعلیٰ سطحی کمیٹی تشکیل، نادرا اور الیکشن کمیشن کے درمیان اہم رابطہ
- 2. بھمبر ڈسٹرکٹ (ایل اے-5 سے ایل اے-7)
بھمبر -1: یہ حلقہ مکمل تحصیل برنالہ پر مشتمل ہے،بھمبر -2: یہ حلقہ مکمل تحصیل سماہنی پر مشتمل ہے،بھمبر -3: یہ حلقہ مکمل تحصیل بھمبر پر مشتمل ہے۔ - 3. کوٹلی ڈسٹرکٹ (ایل اے-8 سے ایل اے-13)
کوٹلی ڈسٹرکٹ-1: اس میں کوٹلی تحصیل کے پٹوار سرکلز دھنوان، گوئی، کاکنی بگاہ، پھگواڑی، جھنجورا، ڈونڈلی، قمرہوتی اور چوکی تینڈا شامل ہیں۔
کوٹلی ڈسٹرکٹ-2: اس میں مکمل تحصیل فتح پور (نکیال) اور کوٹلی تحصیل کا پٹوار سرکل کھاڈ گجراں شامل ہیں۔
کوٹلی ڈسٹرکٹ-3: اس میں کوٹلی تحصیل کے پٹوار سرکلز کوٹلی خاص، رولی، دھامول، گلہار شریف، بھنائیر، بارالی اور سرہوتا شامل ہیں۔
کوٹلی ڈسٹرکٹ-4: اس میں مکمل تحصیل سنسا اور کوٹلی تحصیل کے پٹوار سرکلز سیاہ، پنجیرا، سرساوا، اوڈاہ اور انوئی سرہوتا شامل ہیں۔
کوٹلی ڈسٹرکٹ-5: اس میں چڑہوئی تحصیل کے پٹوار سرکلز کوٹلی سہلنان، پنجن، براتلا، نڑ دڈیال، تھروچی، چاولہ، چڑہوئی، کوٹیرہ خان کاہ، مکمل تحصیل ڈولیان جٹاں، کوٹلی تحصیل کا پٹوار سرکل ڈنا، اور کھوئی رٹہ تحصیل کا پٹوار سرکل تائیں شامل ہیں۔
کوٹلی ڈسٹرکٹ-6: اس میں کھوئی رٹہ تحصیل کے پٹوار سرکلز کھور، سوہانا، سیری مجوار، کھوئی رٹہ، بھیال، دھنا، کوٹیرہ اندرلا، سمیلیئر اور منجوال شامل ہیں۔
- 4. ڈسٹرکٹ باغ (ایل اے-14 سے ایل اے-17)
ڈسٹرکٹ باغ -1: اس میں پٹوار سرکل چور کے گاؤں ملوٹ کے علاوہ مکمل تحصیل دھیرکوٹ شامل ہے۔
ڈسٹرکٹ باغ -2: اس میں مکمل تحصیل ہری گہل، مکمل تحصیل بیرپانی، باغ تحصیل کے پٹوار سرکلز جاگلاری، تھب، ٹوپی، بانی پساری، نریولا اور تحصیل دھیرکوٹ کے پٹوار سرکل چور کا گاؤں ملوٹ شامل ہیں۔
ڈسٹرکٹ باغ -3: اس میں مکمل تحصیل ریڑا اور باغ تحصیل کے پٹوار سرکلز باغ خاص، بھونٹ بھیان، اسلام نگر اور چوکی شامل ہیں۔
ڈسٹرکٹ باغ -4: اس میں مکمل تحصیل حویلی (کہوٹہ)، مکمل تحصیل خورشید آباد اور مکمل تحصیل ممتاز آباد شامل ہیں۔
- 5. پونچھ اور سدھنوتی مشترکہ اضلاع (ایل اے-18 سے ایل اے-24)
پونچھ & سدھنوتی-1: اس میں مکمل تحصیل عباس پور اور ہجیرہ تحصیل کے پٹوار سرکلز گھمیر، سحر کاکوتا، بٹل، منڈھول، سحر اور تاہی شامل ہیں۔
پونچھ & سدھنوتی-2: اس میں ہجیرہ تحصیل کے پٹوار سرکلز ہجیرہ/کٹھیاڑہ، سراری، بھنتیری، کاری کوٹ، پھگواٹی، رَکڑ، اکھور بن، پوتھی چھپریاں (گاؤں پیڑھ کوٹ کے علاوہ)، سدھنوتی ڈسٹرکٹ کی تراڑکھل تحصیل کے پٹوار سرکل ناریاں (گاؤں نریان اور حبیب آباد کے علاوہ)، پٹوار سرکل تراڑکھل (گاؤں منشآباد اور بریوٹ کے علاوہ) اور پٹوار سرکل پپائے ناڑ شامل ہیں۔
پونچھ & سدھنوتی-3: اس میں راولاکوٹ تحصیل کے پٹوار سرکلز پکھر، علی سوجل، دوتھان، چھوٹا گلا (گاؤں دَیرک کے علاوہ)، جندالی، حسین کوٹ، کوئیاں (گاؤں کوپرا کے علاوہ) اور ہجیرہ تحصیل کے پٹوار سرکل پوتھی چھپریاں کا گاؤں پیڑھ کوٹ شامل ہیں۔
پونچھ & سدھنوتی-4: اس میں راولاکوٹ تحصیل کے پٹوار سرکلز پوتھی ملوالاں، راولاکوٹ، دھمنی، سنگولہ، مٹیال میرا، راولاکوٹ میونسپل کارپوریشن، پٹوار سرکل چھوٹا گلا کا گاؤں دَیرک اور پٹوار سرکل کوئیاں کا گاؤں کوپرا شامل ہیں۔
پونچھ & سدھنوتی-5: اس میں راولاکوٹ تحصیل کے پچیوٹ، ہورنامیرا، بنگوئین، تِمرُوٹا، بناکھ اور ریہارا کے پٹوار سرکلز سمیت مکمل تحصیل تھورڑ شامل ہے۔
پونچھ & سدھنوتی-6: اس میں سدھنوتی تحصیل کے پٹوار سرکلز گورہ شمالی، پلندری، ڈار دھراچھ (افضل آباد)، گورہ جنوبی، بارال، اسلام پورہ، جھنڈا بگلا، آزاد پتن، پنتھل اور مکمل تحصیل منگ شامل ہیں۔
پونچھ & سدھنوتی-7: اس میں سدھنوتی تحصیل کا پٹوار سرکل سحر، مکمل تحصیل بلوچ، اور تراڑکھل تحصیل کے پٹوار سرکل ناریاں کے گاؤں نریان و حبیب آباد اور پٹوار سرکل تراڑکھل کا گاؤں منشآباد و بریوٹ شامل ہیں۔
- 6. ڈسٹرکٹ نیلم ویلی (ایل اے-25 اور ایل اے-26)
ڈسٹرکٹ نیلم ویلی1: اس میں تحصیل آٹھمقام کے پٹوار سرکلز ناگدر (گاؤں نیلم کے علاوہ)، دواریاں، لوات، دودھنیال اور مکمل تحصیل شاردا شامل ہے۔
ڈسٹرکٹ نیلم ویلی-2: اس میں تحصیل آٹھمقام کے پٹوار سرکلز آٹھمقام، شاہ کوٹ، جاگراں، بانڈی اشکوٹ، لیسوا، چلھانا جاگیر، میرپورہ اور پٹوار سرکل ناگدر کا گاؤں نیلم شامل ہیں۔
- 7. مظفرآباد ڈسٹرکٹ کے 7 انتخابی حلقے (ایل اے-27 سے ایل اے-33)
مظفرآباد ڈسٹرکٹ -1: اس میں تحصیل ناصرآباد (پٹیکا) کے پٹوار سرکلز تالگراں، ریالی، سید پور، بانڈی کھٹانہ، کہوری، ناصرآباد، سیری بھیڑی، ڈوبا، بٹ درہ، مچھیارا، پلہ منگراں، بلگراں، اور تحصیل مظفرآباد کے پٹوار سرکل مسلم آباد، ہیر کٹلی اور چھلہ بانڈی (گاؤں بانڈی میر صمدانی اور چھلہ کے علاوہ) شامل ہیں۔
مظفرآباد ڈسٹرکٹ-2: اس میں تحصیل ناصرآباد (پٹیکا) کے پٹوار سرکلز پنجگراں، دیولیاں، پنکوٹ، نوسیری، پٹیکا، نوراسیری، اور تحصیل مظفرآباد کے پٹوار سرکلز چھتر دو میل (گاؤں امبور، چھتر دو میل اور دھنی سیداں کے علاوہ)، سیری درہ (گاؤں رنجاتا کے علاوہ)، ہوتراری، دو میل (گاؤں میرا تنولیاں، بانڈی تنولیاں اور دو میل کے علاوہ)، پٹوار سرکل دھنی (گاؤں دھنی کے علاوہ)، گن چھتر، گڑھی دوپٹہ، پٹوار سرکل چھتر دو میل کا گاؤں چہروایہ اور پٹوار سرکل انوار شریف شامل ہیں۔
مظفرآباد ڈسٹرکٹ-3: اس میں تحصیل مظفرآباد کے پٹوار سرکلز مظفرآباد، گوجرہ، کٹلی، پترینڈ، پٹوار سرکل چھتر دو میل کے گاؤں امبور، چھتر دو میل و دھنی سیداں، پٹوار سرکل دو میل کے گاؤں میرا تنولیاں، بانڈی تنولیاں و دو میل، پٹوار سرکل سیری درہ کا گاؤں رنجاتا، پٹوار سرکل چھلہ بانڈی کے گاؤں بانڈی میر صمدانی و چھلہ، اور پٹوار سرکل دھنی کا گاؤں دھنی شامل ہیں۔
مظفرآباد ڈسٹرکٹ-4: اس میں ہٹیاں تحصیل کا پٹوار سرکل لنگلا، اور تحصیل مظفرآباد کے کئی مانجا، ہٹیاں دوپٹہ، لنگر پورہ، تھوتھا، لواسی اور دچھور میران پٹوار سرکلز شامل ہیں۔
مظفرآباد ڈسٹرکٹ-5: اس میں تحصیل مظفرآباد کے پٹوار سرکلز مصطفیٰ آباد، تھیریاں، چنالبانگ، چرک پورہ، نورپور نقران، کومیکوٹ، چھتر کلاس، ڈنا، ڈلائی، کچیلی، بالاں، رام کوٹ، کٹکر، میرا کلاں، میرا خورد، جھنڈگراں اور نارات شامل ہیں۔
مظفرآباد ڈسٹرکٹ-6: اس میں مکمل تحصیل چکار اور تحصیل ہٹیاں کے پٹوار سرکلز خلانہ خورد، خلانہ کلاں، سڑک چناڑی، چکوٹھی، ہٹیاں، ملاکپورہ، بنی حافظ اور دامان شامل ہیں۔
مظفرآباد ڈسٹرکٹ-7: اس میں مکمل تحصیل لیپا اور تحصیل ہٹیاں کے پٹوار سرکلز گجر بانڈی، میرا باکوٹ، چکھاما، نرڈاجیاں، لمیان، مکناٹ اور کھانڈا شامل ہیں۔
- جموں، منگلا ڈیم متاثرین اور کشمیر ویلی کی مخصوص نشستیں
جموں و منگلا ڈیم متاثرین (ایل اے-34 سے ایل اے-39)
جموں -1: اس میں صوبہ بلوچستان، صوبہ سندھ، بہاولپور ڈویژن، ملتان ڈویژن، ڈیرہ غازی خان ڈویژن، فیصل آباد ڈویژن، سرگودھا ڈویژن اور لاہور ڈویژن کے علاقے شامل ہیں۔
جموں -2: اس میں گوجرانوالہ ڈسٹرکٹ، حافظ آباد ڈسٹرکٹ، سیالکوٹ ڈسٹرکٹ کی تحصیل ڈسکہ، تحصیل پسرور اور تحصیل سمبڑیال شامل ہیں۔
جموں -3: یہ حلقہ مکمل تحصیل سیالکوٹ پر مشتمل ہے۔
جموں -4: یہ حلقہ مکمل ڈسٹرکٹ نارووال پر مشتمل ہے۔
جموں -5: اس میں وزیر آباد ڈسٹرکٹ، گجرات ڈسٹرکٹ اور منڈی بہاؤالدین ڈسٹرکٹ شامل ہیں۔
جموں -6: اس میں صوبہ خیبر پختونخوا، راولپنڈی ڈویژن اور اسلام آباد کیپٹل ٹیریٹری (آئی سی ٹی) کے علاقے شامل ہیں۔
- کشمیر ویلی مخصوص نشستیں (ایل اے-40 سے ایل اے-45)
کشمیر ویلی -1: اس میں صوبہ بلوچستان اور صوبہ سندھ کے علاقے شامل ہیں۔
کشمیر ویلی -2: یہ حلقہ لاہور ڈویژن پر مشتمل ہے۔
کشمیر ویلی -3: اس میں بہاولپور ڈویژن، ملتان ڈویژن، ڈیرہ غازی خان ڈویژن، گوجرانوالہ ڈویژن، فیصل آباد ڈویژن، جہلم ڈسٹرکٹ اور علاقہ چکوال شامل ہیں۔
کشمیر ویلی -4: اس میں راولپنڈی میونسپل کارپوریشن کے وارڈ نمبر 15 سے 50 تک کے علاقے شامل ہیں (جیسا کہ یہ وارڈز سال 1985 میں موجود تھے)۔
کشمیر ویلی -5: اس میں راولپنڈی میونسپل کارپوریشن کے وارڈ نمبر 1 سے 14 تک (سال 1985 کی حدود کے مطابق)، کینٹونمنٹ وارڈ نمبر 1 سے 10، راولپنڈی کارپوریشن کی حدود سے باہر کا راولپنڈی ڈسٹرکٹ، اسلام آباد کیپٹل ٹیریٹری اور اٹک ڈسٹرکٹ شامل ہیں۔
کشمیر ویلی -6: یہ مخصوص حلقہ مکمل صوبہ خیبر پختونخوا پر مشتمل ہے۔
