کراچی: سندھ حکومت نے مسیحی برادری کے لیے دو روزہ خصوصی تعطیلات کا اعلان کر دیا ہے تاکہ وہ اپنے مذہبی تہوار ایسٹر کو آزادانہ طور پر منا سکیں ۔
حکام کے مطابق یہ تعطیلات 5 اور 6 اپریل 2026 کو دی جائیں گی اور ان کا اطلاق تمام سرکاری ملازمین ، خودمختار کارپوریشنز اور بلدیاتی اداروں پرلاگو ہوگا ۔
صوبائی حکومت کا کہنا ہے کہ یہ فیصلہ مذہبی ہم آہنگی کو فروغ دینے اور اقلیتوں کے حقوق کے تحفظ کے عزم کا حصہ ہے ۔
مسیحی برادری کے لیے ایسٹر نہ صرف ایک مذہبی تہوار ہے بلکہ ان کے مذہبی عقائد میں اس کی ایک مرکزی حیثیت بھی ہے ۔
مزید یہ بھی پڑھیں:15 دن میں سرمایہ کاری کے اثرات ملکی معیشت پر نظر آئیں گے،قیصر شیخ
اس دن گرجا گھروں میں خصوصی عبادات کا اہتمام کیا جاتا ہے اور خاندان کے افراد کے ساتھ خوشیاں بھی منائی جاتی ہیں ۔
اس موقع پرمسیحی برادری کے لوگ ایک دوسرے کے ساتھ میل جول اور بھائی چارے کے جذبے کا مظاہرہ کرتے ہیں ۔
حکومت کا یہ اقدام نہ صرف مسیحی ملازمین کو اپنے مذہبی فرائض انجام دینے کی سہولت فراہم کرتا ہے بلکہ انہیں معاشرتی طور پر شامل کرنے کا بھی پیغام دیتا ہے ۔
سندھ حکومت کے اس فیصلے کو مختلف شعبوں اور سماجی حلقوں کی جانب سے سراہا جا رہا ہے ۔ ماہرین کا کہنا ہے کہ ایسے اقدامات مذہبی رواداری اور اقلیتوں کے حقوق کے تحفظ میں اہم کردار ادا کرتے ہیں ۔
مزید یہ بھی پڑھیں:پاکستانیوں جیسا جذبہ، ایرانی شہریوں نے امریکی ہیلی کاپٹر فضاء میں ہی تباہ کردیا
اس کے ساتھ ہی یہ اقدام دیگر برادریوں کے لیے بھی ایک مثبت مثال قائم کرتا ہے کہ حکومت اقلیتوں کے جذبات اور ضروریات کو سمجھتی ہے اور ان کے مطابق اقدامات کو بروئے کار لاتی ہے ۔
