لاہور( مانیٹرنگ ڈیسک)چیمپئنز ٹرافی کے گروپ بی میں اہم میچ آج افغانستان اور آسٹریلیا کے درمیان لاہور میں کھیلا جائیگا، دونوں میں سے جو ٹیم بھی جیتے گی سیمی فائنل کیلئے کوالیفائی کر جائیگی۔
آسٹریلیا اور افغانستان کا میچ دونوں کیلئےانتہائی اہمیت اختیار کرگیا، جو ٹیم جیتی سیمی فائنل میں پہنچ جائیگی۔
اگر افغانستان ٹیم ہاری تو ایونٹ سے باہر ہوجائیگی لیکن آسٹریلیا ہارا تو وہ سیمی فائنل کی دوڑ سے باہر نہیں ہوگا بلکہ اسے ہفتے کو انگلینڈ اور جنوبی افریقا کے میچ کا انتظار کرنا ہوگا۔
آسٹریلیا اور جنوبی افریقہ کے ابھی تین تین پوائنٹس ہیں جبکہ رن ریٹ افریقہ کا بہتر ہے۔میچ کیلئے آسٹریلیا نے افغانستان کے خلاف میچ کی تیاری انڈور میں کی جبکہ بارش کے باعث افغانستان کی ٹیم کا پریکٹس سیشن منسوخ کردیا گیا۔
افغانستان کے کپتان حشمت اللّہ شاہدی کا کہنا ہے کہ انگلینڈ کو ہراسکتے ہیں تو آسٹریلیا کو بھی شکست دے سکتے ہیں۔
دوسری جانب آسٹریلوی ٹیم کے بیٹر مارنوس لبوشین نے کہا کہ اُن کے بیٹر فارم میں ہیں، گروپ میں پہلی پوزیشن حاصل کریں گے۔
یہ بھی پڑھیں: افغانستان نے انگلینڈکو شکست دیکر چیمپئنز ٹرافی سے باہر کر دیا
