لکی مروت :پاکستانی سکیورٹی فورسز نے لکی مروت ضلع میں خفیہ معلومات کی بنیاد پر ایک موثر آپریشن انجام دیا، جس کے نتیجے میں 5 خوارج ہلاک کر دئیے گئے ۔
حکام کے مطابق آپریشن کا مقصد علاقے میں سرگرم خوارج کے دہشت گردانہ نیٹ ورک کو ختم کرنا اور سکیورٹی کے لیے خطرہ پیدا کرنے والے عناصر کو بے اثر کرنا تھا۔
سکیورٹی ذرائع نے بتایا کہ آپریشن کے دوران فورسز نے خوارج کے ٹھکانے کو نشانہ بنایا، اور شدید فائرنگ کے تبادلے کے بعد یہ عناصر ہلاک ہوئے۔ ہلاک شدہ افراد بھارتی حمایت یافتہ تھے اور علاقے میں متعدد دہشت گردانہ سرگرمیوں میں ملوث پائے گئے ۔
مزید یہ بھی پڑھیں:پاک افغان سرحدی علاقے لیٹی (تاری پشہ) میں افغان طالبان کا پاکستان کی سول آبادی پر مارٹر حملہ ، 4 شہری شہید
آپریشن کے دوران ہلاک شدہ خوارج سے بڑی مقدار میں ہتھیار اور گولہ بارود بھی برآمد کیا گیا، جس سے ان کے ممکنہ دہشت گردانہ حملوں کو ناکام بنانے میں مدد ملی ۔ حکام کے مطابق یہ عناصر سکیورٹی فورسز کے خلاف حملوں اور دہشت گردانہ کارروائیوں کے لیے سرگرم تھے ۔
سکیورٹی فورسز نے اعلان کیا کہ علاقے میں آپریشن ابھی جاری ہے تاکہ دیگر بھارتی سرپرستی یافتہ خوارج کو بھی گرفتار کیا جا سکے ۔ یہ کارروائی وفاقی سطح کی قومی ایکشن پلان “عزمِ استحکام” کے تحت کی جا رہی ہے، جس کا مقصد ملک میں غیر ملکی حمایت یافتہ دہشت گردی کے عناصر کا مکمل خاتمہ ہے ۔
مزید یہ بھی پڑھیں:جنوبی وزیرستان میں خوارج کا نہتے شہریوں پر دوسرا حملہ ، بچوں اور خواتین سمیت 12 افراد شدید زخمی،الزام سیکورٹی فورسز پر لگانے کی ناکام کوشش
حکام نے مزید کہا کہ پاکستان کی سیکیورٹی فورسز اور قانون نافذ کرنے والے ادارے دہشت گردی کے خاتمے کے لیے ہر ممکن اقدام کر رہے ہیں اور ملک میں دہشت گردانہ نیٹ ورک کو تباہ کرنے کی کارروائیاں مسلسل جاری رہیں گی ۔
