وزیراعظم شہباز شریف نے علاقائی اور عالمی منظرنامے میں ہونے والی تبدیلیوں کے تناظر میں آج دوپہر وزیراعظم ہاؤس میں ایک اعلیٰ سطح کا اجلاس طلب کیا ہے۔ ذرائع کے مطابق اس اجلاس کا بنیادی مقصد قومی کفایت شعاری پالیسی کی منظوری دینا ہے۔
اجلاس کے شرکاء اور ایجنڈا:
اس اہم بیٹھک میں چاروں صوبوں کے وزرائے اعلیٰ، گلگت بلتستان کے وزیراعلیٰ اور وزیراعظم آزاد کشمیر کو بھی خصوصی طور پر مدعو کیا گیا ہے۔ اجلاس کے دوران ملک کی مجموعی انتظامی اور معاشی صورتحال کا تفصیلی جائزہ لیا جائے گا۔ وفاق اور صوبوں کے درمیان اتفاقِ رائے سے ایک ایسی قومی کفایت شعاری پالیسی وضع کی جائے گی جس سے موجودہ حالات میں عوام کو ریلیف فراہم کرنے کے لیے مشترکہ لائحہ عمل تیار کیا جا سکے۔
یہ بھی پڑھیں: تمام وزرا ،سرکاری افسران کو کفایت شعاری اختیار کرنا ہوگی، وزیراعظم
متوقع اہم فیصلے:
ذرائع کا کہنا ہے کہ اس اجلاس میں جدید ٹیکنالوجی کے استعمال اور اخراجات میں کمی کے لیے کچھ انقلابی تجاویز زیرِ غور آئیں گی۔ ان تجاویز میں سرکاری رابطوں کو ‘زوم’ (Zoom) پر منتقل کرنے، اسکولوں اور کالجوں کی کلاسز آن لائن کرنے، اور دفاتر میں ‘ورک فرام ہوم’ (Work From Home) کی پالیسی پر عملدرآمد شامل ہے۔ ان اقدامات کا مقصد موجودہ عالمی حالات کے اثرات سے نمٹنا اور قومی وسائل کی بچت کرنا ہے۔
