پنجاب حکومت نے صوبے کے سرکاری اسکولوں کے حوالے سے ایک اہم فیصلہ کیا ہے جس کے تحت اب ان اسکولوں کو ٹھیکے پر دیا جائے گا۔ ترجمان محکمہ اسکول ایجوکیشن فاؤنڈیشن کی جانب سے جاری کردہ معلومات کے مطابق اس منصوبے کے لیے نجی شعبے سے باقاعدہ طور پر درخواستیں طلب کر لی گئی ہیں۔ اس فیصلے کا مقصد اسکولوں کے انتظام کو نجی افراد کے سپرد کرنا ہے۔
ترجمان نے مزید تفصیلات بتاتے ہوئے کہا ہے کہ مختلف اضلاع کے مزید 2 ہزار 735 اسکولز اب نجی افراد کی نگرانی میں چلائے جائیں گے۔ اس حوالے سے نجی شعبے سے وابستہ وہ افراد جو ان اسکولوں کو حاصل کرنے میں دلچسپی رکھتے ہیں، وہ 31 مارچ تک اپنی درخواستیں جمع کروا سکتے ہیں۔
یہ بھی پڑھیں: رمضان المبارک میں گرمی کی شدت بڑھنے کا امکان: پہاڑی علاقوں میں ہلکی بارش کی پیشگوئی
اس اقدام کے بعد پنجاب کے تعلیمی نظام میں نجی شعبے کی مداخلت مزید بڑھ جائے گی کیونکہ ہزاروں اسکولوں کا انتظامی کنٹرول سرکاری شعبے سے نجی افراد کو منتقل کرنے کی تیاری مکمل کر لی گئی ہے۔
