نیویارک (کشمیر ڈیجیٹل)امریکی محکمہ خارجہ (اسٹیٹ ڈیپارٹمنٹ) نے اعلان کیا ہے کہ امریکا 75 ممالک سے آنے والے شہریوں کے لیے امیگرنٹ ویزا پراسیسنگ عارضی طور پر معطل کر رہا ہے
اس فیصلے کا اطلاق ان ممالک پر ہوگا جن کے شہری امریکہ پہنچنے کے بعد سرکاری فلاحی سہولیات پر غیر معمولی حد تک انحصار کرتے ہیں،محکمہ خارجہ کی جانب سے جاری بیان کے مطابق یہ پابندی اس وقت تک برقرار رہے گی
مزید یہ بھی پڑھیں:بگ بیش لیگ: زمان خان کی شاندار بولنگ،ہارا ہوا میچ جتوادیا
جب تک امریکا اس بات کو یقینی نہیں بنا لیتا کہ نئے آنے والے تارکینِ وطن امریکی عوام کے وسائل پر اضافی بوجھ نہیں ڈالیں گے، بیان میں کہا گیا ہے کہ اس اقدام کا مقصد امریکی عوام کی محنت کی کمائی اور فلاحی نظام کا تحفظ کرنا ہے۔
امریکی حکام کے مطابق اس فیصلے سے درجنوں ممالک متاثر ہوں گے جن میں متاثرہ ممالک میں ایران، عراق، روس، افغانستان، برازیل اور نائیجیریا شامل ہیں۔
امریکا نے 75 ملکوں کے لیے امیگرنٹ ویزا پراسس غیر معینہ مدت کے لیے منجمد کیا ہے، فراڈ، جانچ پڑتال، حکومت پر بوجھ بننے کے خدشات کی وجہ سے فیصلہ کیا گیا ہے۔
فہرست میں افغانستان، البانیہ، الجزائر، انٹیگوا اور باربوڈا، آرمینیا، آذربائیجان شامل ہیں، بہاماس، بنگلادیش، بارباڈوس، بیلاروس، بیلیز، بھوٹان، بوسنیا فہرست میں موجود ہیں۔
محکمہ خارجہ نے واضح کیا ہے کہ یہ اقدام صرف امیگرنٹ ویزوں تک محدود ہے، جبکہ دیگر اقسام کے ویزوں سے متعلق کوئی حتمی اعلان نہیں کیا گیا۔
اس حوالے سے یہ بھی کہا گیا ہے کہ پاکستان کا نام کسی بھی مستند سرکاری بیان میں شامل نہیں کیا گیا اور اس بارے میں گردش کرنے والی اطلاعات کی تصدیق نہیں ہو سکی۔
مزید یہ بھی پڑھیں:منگ: فائرنگ واقعہ، وزیراعظم فیصل ممتاز راٹھور کا سخت نوٹس، رپورٹ طلب
ویزا پراسیسنگ منجمد ممالک کی فہرست میں برازیل، برما، کمبوڈیا، کیمرون، کیپ وردے، کولمبیا، ک کیوبا، جمہوریہ کانگو، ڈومینیکا، مصر، اریٹیریا، ایتھوپیا،فجی، گیمبیا،جارجیا، گھانا، گریناڈا، گوئٹے مالا موجود ہیں۔
فہرست میں گنی، ہیٹی، ایران، عراق، جمیکا، اردن، قازقستان، کوسوو،کویت، کرغزستان شامل ہیں، لاؤس، لبنان، لائبیریا، لیبیا، مقدونیہ، مالدووا، منگولیا، مونٹی نیگرو، مراکش، نیپال بھی فہرست میں موجود ہیں۔
نائیجیریا، نکاراگوا، کانگو، روس، روانڈا، سینٹ کٹس اینڈ نیوس، سینٹ لوسیا، سینٹ ونسنٹ اینڈ دی گریناڈینز، سینیگال، سیرالیون، صومالیہ، سوڈان، شام، تنزانیہ، تھائی لینڈ، ٹوگو، تیونس، یوگنڈا، یورا گوئے، ازبکستان، یمن بھی فہرست میں شامل ہیں۔
واضح رہے کہ امریکا نے رواں سال اب تک ایک لاکھ افراد کے ویزے منسوخ کردیے ہیں، منسوخ کیے گئے ویزوں میں 8 ہزار ویزے طلبا کے ہیں جب کہ 2500 ویزے ایسے افراد کے ہیں جنہوں نے کسی نہ کسی طریقے سے امریکی قانون کی خلاف ورزی کی۔
امریکی محکمہ خارجہ کے مطابق رواں سال اب تک 100,000 سے زائد ویزے منسوخ کیے جاچکے ہیں، جن میں تقریباً 8 ہزار طلبہ ویزے اور 2 ہزار 500 خصوصی کام کے اجازت نامے شامل ہیں۔ حکام کا کہنا تھا کہ یہ کارروائیاں ایسے غیر ملکی شہریوں کے خلاف کی جا رہی ہیں جن کے خلاف مجرمانہ ریکارڈ یا قانونی خلاف ورزیوں کے شواہد موجود ہیں۔
The State Department will pause immigrant visa processing from 75 countries whose migrants take welfare from the American people at unacceptable rates. The freeze will remain active until the U.S. can ensure that new immigrants will not extract wealth from the American people.
— Department of State (@StateDept) January 14, 2026
محکمہ خارجہ نے اپنے سرکاری ایکس اکاؤنٹ پر بیان میں کہا کہ امریکا کو محفوظ رکھنے کے لیے ملک بدری (ڈی پورٹیشن) اور ویزا منسوخی کی کارروائیاں جاری رکھی جائیں گی۔
یہ اقدام ٹرمپ انتظامیہ کے دور میں امیگریشن اور ویزا قوانین میں سختی کے تناظر میں سامنے آیا ہے، جہاں اب ویزا ہولڈرز کے امریکا میں داخلے کے بعد بھی نگرانی کی جا رہی ہے تاکہ گرفتاری، سزا یا دیگر قانونی معاملات کی نشاندہی کی جاسکے۔
منسوخ کیے گئے ویزوں کا تعلق مختلف کیٹیگریز سے ہے، جن میں سیاحتی، تعلیمی، ہنرمند ورک ویزے اور دیگر غیر ملکی زائرین شامل ہیں، بھارت جو امریکا کے ویزا ہولڈرز میں سب سے بڑی تعداد رکھتا ہے، اس پالیسی تبدیلی سے براہِ راست متاثر ہوا ہے۔
