پاکستان کی قومی کرکٹ ٹیم کے آل راؤنڈر شاداب خان نے بگ بیش لیگ میں اپنی ٹیم سڈنی تھنڈر کے لیے باقی میچز نہ کھیلنے کا باضابطہ اعلان کر دیا ہے۔ شاداب خان کی جانب سے کیے گئے اس فیصلے کے بعد بگ بیش لیگ میں ان کی آئندہ شرکت سے متعلق جاری تمام قیاس آرائیاں ختم ہو گئی ہیں۔
قومی ٹیم کے آل راؤنڈر شاداب خان نے اس فیصلے کی تصدیق سوشل میڈیا کے ذریعے کی، جس میں انہوں نے واضح کیا کہ وہ بگ بیش لیگ میں دوبارہ واپس نہیں آئیں گے۔ ان کے اس اعلان کے بعد شائقین کرکٹ اور کھیلوں سے وابستہ حلقوں میں اس معاملے پر پائی جانے والی بے یقینی کا خاتمہ ہو گیا ہے۔
رپورٹس کے مطابق شاداب خان سڈنی تھنڈر کی نمائندگی کرتے ہوئے بگ بیش لیگ کا حصہ تھے، تاہم پاکستان ٹیم کے دورہ سری لنکا کے باعث انہیں لیگ چھوڑ کر قومی اسکواڈ کے ساتھ سری لنکا روانہ ہونا پڑا۔ اسی تناظر میں شاداب خان کی جانب سے یہ فیصلہ سامنے آیا کہ وہ لیگ کے باقی میچز کھیلنے کے لیے واپس نہیں آئیں گے۔
شاداب خان نے اپنے بیان میں اس بات کی تصدیق کی کہ وہ بگ بیش لیگ میں دوبارہ واپسی کا ارادہ نہیں رکھتے۔ ان کا کہنا تھا کہ قومی ذمہ داریاں ان کے لیے اولین ترجیح رکھتی ہیں اور وہ اپنی تمام تر توجہ پاکستان ٹیم کے لیے وقف رکھیں گے۔ شاداب خان نے واضح کیا کہ قومی ٹیم کے تقاضوں کے پیش نظر یہ فیصلہ کیا گیا ہے تاکہ وہ مکمل یکسوئی کے ساتھ پاکستان کے لیے دستیاب رہ سکیں۔
یہ بھی پڑھیں: بنگلادیش کا بھارت نہ جانے کا فیصلہ برقرار، آئی سی سی سے مذاکرات بے نتیجہ
اس اعلان کے بعد سوشل میڈیا پر شائقین کرکٹ کی جانب سے شاداب خان کے فیصلے پر ملا جلا ردعمل دیکھنے میں آ رہا ہے۔ کچھ شائقین نے بگ بیش لیگ میں ان کی عدم موجودگی پر افسوس کا اظہار کیا، تاہم اکثریت نے قومی ٹیم کو ترجیح دینے کے فیصلے کو سراہا ہے اور اسے مثبت قدم قرار دیا ہے۔ شائقین کے مطابق قومی ذمہ داریوں کو اولین ترجیح دینا ایک پیشہ ور کھلاڑی کی پہچان ہے، اور شاداب خان کا یہ فیصلہ اسی سوچ کی عکاسی کرتا ہے۔
