کراچی(کشمیر ڈیجیٹل)آئی سی سی چیمپئنز ٹرافی افتتاحی میچ : نیوزی لینڈ نے ٹام پاکستان کو جیت کیلئے 321 رنز کا ہدف دیدیا۔کراچی کے نیشنل اسٹیڈیم میں کھیلے گئے میچ میں قومی ٹیم کے کپتان محمد رضوان نے ٹاس جیت کر پہلے فیلڈنگ کا فیصلہ کیا جو ابتدا میں اچھا ثابت ہوا تاہم ول یانگ کے ڈٹ جانے پر پاکستانی بولرز بے بس نظر آئے۔
ایک موقع پر نیوزی لینڈ کے 8.1اوور میں 40 رنز پر دو کھلاڑی آؤٹ ہوگئے تھے تاہم ول یانگ نے ذمہ دارانہ اور شاندار بیٹنگ کر کے ساتھی کیساتھ اسکور کو 73 تک پہنچایا تو مچل آؤٹ ہوگئے۔
پھر ٹام لاتھم اور ول یانگ نے 118 رنز کی شاندار پارٹنر شپ قائم کی ، پاکستان کے تمام ہی باولرز کو شاندار انداز سے کھیلا، ول یانگ 191 کے مجموعی اسکور پر 107 رنز بناکر نسیم شاہ کا شکار بنے، اس کے بعد لاتھم اور گلین فلپس نے جارحانہ انداز اپناتے ہوئے آخری کے 10 اوورز میں 125 رنز بنائے۔
پاکستان کے مہنگے ترین بولر
حارث رؤف پاکستان کے مہنگے ترین بولر ثابت ہوئے جنہوں نے 10 اوورز میں دو وکٹیں تو ضرور لیں مگر سب سے زیادہ 83 رنز دیئے۔اس کے بعد شاہین آفریدی نے 10 اوورز میں 68 رنز دیئے اور کوئی وکٹ حاصل نہیں کرسکے جبکہ نسیم شاہ نے 10 اوورز میں 63 رنز دیکر 2 کھلاڑیوں کو اپنا شکار بنالیا۔
ابرار احمد نیوزی لینڈ کیخلاف پاکستان کے بہترین بولر ثابت ہوئے جنہوں نے شاندار بولنگ کرتے ہوئے اپنی گھومتی گیندوں سے کیوی بلے بازوں کو نہ صرف پریشان کئے رکھا بلکہ 10 اوورز میں 47 رنز دیکر ایک کھلاڑی کو اپنا شکار بھی بنایا۔
اس کے علاوہ خوش دل شاہ نے 7 اوورز میں 5.71 کے اکنامی ریٹ سے 70 رنز دیے اور سلمان علی آغا نے تین اوورز میں 15 رنز دیئے جبکہ دونوں کوئی وکٹ حاصل نہیں کرسکے۔
