ڈھاکہ ( کشمیر ڈیجیٹل)آزاد کشمیر کے وزیر اطلاعات مولانا پیرمحمد مظہر سعید شاہ نے ڈھاکہ میں بنگلہ دیش کے مشیر برائے اطلاعات ناہید الاسلام سے ملاقات کی۔ ملاقات میں باہمی دلچسپی کے امور پر تبادلہ خیال کیا گیا۔
وزیر اطلاعات پیر محمد مظہر سعید شاہ نے مشیر اطلاعات بنگلہ دیش کو منصب سنبھالنے پر مبارکباد دی اور دورہ کشمیر و پاکستان کی دعوت دی۔
پیر محمد مظہر سعید نے کہا کہ پاکستان اور بنگلادیش برادر اسلامی ممالک اور کلمہ طیبہ کے مضبوط ترین رشتے میں جڑے ہوئے ہیں۔ دونوں ممالک کے درمیان ٹیکسٹائل، زراعت، کھیل، فوجی ساز و سامان، لوگوں کے درمیان تعلقات، اور ثفافتی شعبوں میں تعاون کیلئے بے پناہ مواقع موجود ہیں۔
انہوں نے کہا کہ ایک دوسرے کے پوٹینشل کو بروئے کار لاتے ہوئے سیاسی ومعاشی مفادات کا حصول ممکن بنایا جا سکتا ہے۔
مشیر اطلاعات بنگلہ دیش ناہید الاسلام نے کہا کہ بنگلہ دیش میں نئی قیادت پاکستان کے ساتھ تعلقات کو نیا موڑ دینے کیلئے پر عزم ہے۔ وزیر اطلاعات آزاد کشمیر نے مشیر اطلاعات بنگلہ کو کشمیری شال پہنائی جبکہ مشیر اطلاعات بنگلہ دیش نے مولانا پیر محمد مظہر سعید شاہ کو تحائف دیئے۔
یہ بھی پڑھیں:محکمہ زراعت کا پھلدار پودے آدھی قیمت پر فراہم ، مفت باغات لگا کر دینے کا اعلان
