نیلم ویلی کے مختلف علاقوں میں مسلسل بارش اور برف باری جاری ہے، جس سے سردی میں مزید اضافہ ہو گیا ہے۔ مسلسل برف باری کے باعث کئی سڑکیں بند ہو گئی ہیں جس سے علاقے میں ٹریفک کا نظام متاثر ہوا ہے۔
مقامی ذرائع کا کہنا ہے کہ بالائی نیلم میں مسلسل برف باری کے باعث درجہ حرارت منفی ہو گیا ہے، اور اردگرد کے پہاڑ سفید چادر سے ڈھک گئے ہیں، جبکہ علاقے میں شدید سردی کی صورتحال برقرار ہے۔
لوور نیلم میں مسلسل بارش کے باعث درجہ حرارت میں کمی اور صبح و رات کے اوقات میں شدید برف باری دیکھنے کو ملی ہے۔ شدید بارش اور برف باری نے عام زندگی کو متاثر کیا اور مقامی لوگوں کو روزمرہ کے کاموں میں مشکلات کا سامنا کرنا پڑا۔
یہ بھی پڑھیں: وادی نیلم وجہلم میں برفباری ، سیاحوں اور مقامی شہریوں کیلئے انتباہ جاری
حکام کے مطابق اوپری علاقوں کی رابطہ سڑکیں جزوی طور پر برف باری کے باعث متاثر ہوئی ہیں اور سفر میں مشکلات پیدا ہو رہی ہیں۔ اس کے ساتھ ہی ہر سڑک کی صورتحال پر نظر رکھ کر سفر کو زیادہ سے زیادہ قابل رسائی بنانے کی کوششیں جاری ہیں۔
یہ بھی پڑھیں:مظفرآباد پولیس کی منشیات فروشوں کے خلاف پانچ کامیاب کارروائیاں، متعدد ملزمان گرفتار
ضلعی انتظامیہ نے لوگوں اور سیاحوں کو مشورہ دیا ہے کہ غیر ضروری سفر سے گریز کریں، خاص طور پر اوپری نیلم کی طرف، اور خراب موسم کے پیش نظر تمام احتیاطی اقدامات اختیار کریں۔
