اکاڑہ (کشمیر ڈیجیٹل) مرکزی رہنما پیپلزپارٹی و سابق وزیر اعلیٰ پنجاب میاں منظور احمد وٹو 95 سال کی عمر میں انتقال کر گئے۔
خاندانی ذرائع کے مطابق میاں منظور احمد وٹو آج دن گیارہ بجے انتقال کرگئے ، خاندانی ذرائع کے انتقال کی تصدیق بھی کردی۔
میاں منظوراحمد وٹو سپیکر پنجاب اسمبلی بھی رہے،ان کے انتقال پر سیاسی اور سماجی حلقوں کی جانب سے گہرے رنج و غم کا اظہار کیا جا رہا ہے۔
پاکستان پیپلزپارٹی سے تعلق رکھنے والےمیاں منظور وٹو پاکستانی سیاست میں بڑا نام تھا،وہ وزیراعلیٰٰ پنجاب ،اسپیکر پنجاب اسمبلی اور وفاقی وزیر امور کشمیر کے عہدوں پر فائز رہے۔
مزید یہ بھی پڑھیں:حج 2026 انتظامات:حجاز مقدس میں عازمین حج کے لیے بڑی سہولیات
میاں منظوراحمدخان وٹو نےآزادامید وار کی حیثیت سے الیکشن میں حصہ لے کرسیاسی کیرئرکا آغاز کیا ۔
1977ء میں ذو الفقار علی بھٹو نے میاں منظور احمد وٹو کو الیکشن میں حصہ لینے کیلئے پیپلز پارٹی کا ٹکٹ دیا۔
بعد ازاں یہ ٹکٹ ان سے واپس لے کر غلام محمد مانیکاکو دیدیاگیاجس پر میاں منظور احمد وٹو نے آزاد حیثیت سے یہ الیکشن لڑا اور ہار گئے۔
مزید یہ بھی پڑھیں:عالمی میڈیا بھی سڈنی حملہ آوروں کی بھارتی شہریت کا ثبوت سامنے لے آیا
میاں منظور احمد وٹو کے سیاسی کیرئر کا یہ اتفاق بھی ہے کہ انہوں نے 1977ء میں پہلا الیکشن بھی آزاد حیثیت میں لڑا اور ہارگئے ۔
جبکہ 2018ء میں بھی آخری الیکشن بھی انہوں نے آزاد لڑا اور شکست کھائی۔ذرائع کے مطابق میاں منظور احمد وٹو کافی عرصے سے علیل تھے۔
میاں منظور وٹو پیپلز پارٹی کے سینئر رہنما تھے۔ منظور وٹو 3 مرتبہ وزیر اعلیٰ پنجاب رہ چکے ہیں۔اس کے علاوہ میاں منظور وٹو اسپیکر پنجاب اسمبلی بھی رہ چکے ہیں۔
میاں منظور وٹو کا تعلق پنجاب کے شہر حویلی لکھا سے تھا۔ذرائع کا کہنا ہے کہ منظور وٹو کی نمازِ جنازہ کل وساوے والا میں ادا کی جائے گی۔
