(کشمیر ڈیجیٹل) پاکستان آٹو شو 2025 میں ایم جی موٹرز نے اپنا نیا پک اپ ٹرک ’یو9‘ پیش کیا، جس کے ساتھ ہی گاڑی کی قیمت کا بھی اعلان کر دیا گیا۔ اس سے قبل گاڑی کی پری بُکنگ 80 لاکھ روپے میں شروع ہوئی تھی، تاہم اب کمپنی نے اس قیمت میں کمی کی ہے۔
ایم جی یو9 پاکستان میں ایم جی موٹرز کی جانب سے متعارف کرایا گیا پہلا ڈیزل سے چلنے والا پک اپ ٹرک ہے۔ کمپنی کے مطابق ’یو9‘ میں 2.5 لیٹر ٹربو-ڈیزل انجن نصب ہے اور یہ متعدد جدید خصوصیات سے لیس ہے، جو اس کی مقبولیت میں مزید اضافہ کریں گی۔
یو9 کی تفصیلی خصوصیات میں مضبوط 4×4 ڈرائیو ٹرین کے ساتھ ڈفرینشل لاکس، 3,500 کلوگرام تک کھینچنے کی صلاحیت، 20 انچ الائے وہیلز، 7-ایئر بیگ سیفٹی سوٹ اور L2-ADAS شامل ہیں۔ گاڑی کے اندر 12.3 انچ کا انفوٹینمنٹ سسٹم اور دیگر مکمل آرام دہ سہولیات بھی موجود ہیں۔
یہ بھی پڑھیں: امریکی صدر کی گاڑی ’دی بیسٹ‘ کی خصوصیات سامنے آگئیں
ایم جی موٹرز نے باضابطہ طور پر یو9 پرو کی قیمت 22,749,000 روپے (ایکس فیکٹری) مقرر کی ہے۔ کمپنی کے مطابق یہ قیمت پاکستان کی مسابقتی پک اپ مارکیٹ میں موجود حریفوں کے مقابلے میں یو9 کی پوزیشن کا تعین کرنے میں اہم کردار ادا کرے گی۔
اس کے علاوہ، دوسرا ویرینٹ، ایکسپلورپرو+اسمارٹ ہیچ اوپشن ، اضافی خصوصیات کے ساتھ پیش کیا گیا ہے جس میں اسمارٹ ہیچ بھی شامل ہے۔ اس ویرینٹ کی قیمت 23,949,000 روپے ہے، جو ایکسپلورپرو (Standard) ویرینٹ کی قیمت 22,749,000 روپے سے 1,200,000 روپے زیادہ ہے۔
یہ بھی پڑھیں:ٹویوٹا کمپنی کی نئی گاڑی متعارف، قیمت کیا ہے؟
یہ متعارف کرائی گئی نئی گاڑی ایم جی موٹرز کے لیے پاکستان میں ڈیزل پک اپ مارکیٹ میں ایک اہم اضافہ ثابت ہوگی، جبکہ صارفین کے لیے جدید ٹیکنالوجی اور آرام دہ فیچرز کے ساتھ ایک بہترین انتخاب فراہم کرتی ہے۔
