سڈنی (کشمیر ڈیجیٹل)انتھونی البانیز پہلے آسٹریلین وزیراعظم ہیں جنہوں نے وزیراعظم آفس میں رہتے ہوئے شادی کرلی۔
آسٹریلیا کے وزیراعظم انتھون البانیز نے اپنی دیرینہ دوست جوڈی ہیڈن سے 5 سالہ تعلق کے بعد شادی رچا لی۔
غیر ملکی میڈیا کے مطابق انتھونی البانیز پہلے آسٹریلین وزیراعظم ہیں جنہوں نے وزیراعظم آفس میں رہتے ہوئے شادی کی ہے، دونوں کی شادی کی تقریب کینبرا میں منعقد ہوئی اور شادی کی تاریخ کو خفیہ رکھا گیا۔
انتھونی البانیز اور جوڈی ہیڈن کی ملاقات 21-2020 میں ایک تقریب کے دوران ہوئی تھی اور پھر آہستہ آہستہ دونوں ایک دوسرے کے قریب آتے چلے گئے۔ 2022 اور 2025 کی انتخابی مہم کے دوران جوڈی ہیڈن بین الاقوامی دوروں اور اہم ایونٹس کے دوران انتھونی البانیز کے ہمراہ نظر آئیں۔
مزید یہ بھی پڑھیں:جمود ٹوٹ چکا،اب راج کرے گی خلق خدا، وزیراعظم فیصل راٹھور
گزشتہ برس فروری میں انتھونی البانیز نے ویلنٹائن ڈے کے موقع پر جوڈی ہیڈن کو شادی کی پیشکش کی تھی جسے انہوں نے قبول کر لیا تھا۔
انتھونی البانیز اور جوڈی ہیڈن نے اپنے مشترکہ بیان میں کہا ہمیں اپنی محبت اور مستقبل ایک ساتھ گزارنے کے عزم کو اپنے رشتہ داروں اور قریبی دوستوں کے سامنے بتاتے ہوئے نہایت خوشی ہو رہی ہے۔
غیر ملکی خبر رساں ایجنسی کے مطابق آسٹریلیا کی تاریخ میں کسی بھی موجودہ وزیر اعظم کی دوران اقتدار پہلی شادی ہے۔ شادی کی تقریب وزیر اعظم کی سرکاری رہائشگا “دی لاڈج” میں منعقد ہوئی۔
آسٹریلیوی وزیر اعظم کی شادی پارلیمنٹ کے رواں سال کے آخری اجلاس کے فوراً بعد منعقد ہوئی۔ تقریب میں صرف قریبی خاندان اور دوستوں کو مدعو کیا گیا تھا۔ شادی کے تمام اخراجات دلہا اور دلہن نے خود برداشت کیے۔
دلہن جودی ہیڈن نے آسٹریلوی ڈیزائنرز کا تیار کردہ خوبصورت لباس پہنا جس میں مقامی نباتات اور جدید انداز کا امتزاج تھا۔
رپورٹ کے مطابق اینتھونی البانسے اور جودی ہیڈن کی پہلی ملاقات اکتوبر 2019 میں میلبورن کے ایک بزنس ڈنر کے دوران ہوئی۔ جہاں دونوں کی دلچسپی ساؤتھ سڈنی ربی لیگ ٹیم نکلی۔
دونوں نے 14 فروری 2024 کو منگنی کی جبکہ شادی 2025 کے وفاقی انتخابات کے بعد کرنے کا فیصلہ کیا گیا تھا۔ البانسے نے اپنے بیٹے ناتھن (جو سابق اہلیہ کارمل ٹیبٹ سے ہیں) کی اجازت بھی لی جو تقریب میں موجود تھے۔
شادی کے موقع پر وزیراعظم البانسے نے اسے اپنی زندگی کا “خوبصورت لمحہ” قرار دیا۔ اور کہا کہ انہوں نے خاندان اور دوستوں کے سامنے ایک دوسرے سے باقی زندگی ساتھ گزارنے کا عہد کیا۔
یہ شادی وزیراعظم البانسے کی دوسری مدت کے دوران ہوئی۔ جو ان کی حالیہ انتخابی فتح کے 6 ماہ بعد منعقد ہوئی۔ سیکیورٹی خدشات کے باعث تقریب میں سخت حفاظتی انتظامات کیے گئے جو حالیہ خطرات کے تناظر میں ضروری قرار دیئے گئے۔
