راولپنڈی:سکیورٹی فورسز کی ڈی آئی خان میں انٹیلی جنس بیسڈ کارروائی، 22 خوارج ہلاک کر دئیے گئے۔
آئی ایس پی آر کے مطابق آپریشن بھارتی پراکسی فتنہ الخوارج کی موجودگی کی اطلاع پر کیا گیا ، شدید فائرنگ کے تبادلے میں 22 خوارج ہلاک کر دئیے گئے۔
یہ بھی پڑھیں: واشنگٹن میں امریکی فوجیوں پر فائرنگ وہلاک کرنیوالا افغان نکلا
آئی ایس پی آر کے مطابق آپریشن کے دوران سیکیورٹی فورسز نے انتہائی منصوبہ بندی اور مہارت کے ساتھ خوارج کے ٹھکانے کو نشانہ بنایا، جس کے نتیجے میں شدید فائرنگ کے تبادلے کے بعد 22 خوارج ہلاک ہو گئے۔
آئی ایس پی آر نے بتایا کہ علاقے میں باقی ماندہ دہشت گرد عناصر کے خاتمے کے لیے صفائی کی کارروائی جاری ہے تاکہ مکمل تحفظ یقینی بنایا جا سکے۔
آئی ایس پی آر کے مطابق پاکستان کی سکیورٹی فورسز اور قانون نافذ کرنے والے ادارے ملک گیر انسداد دہشتگردی مہم کے تحت بھرپور اور مربوط اقدامات کر رہے ہیں۔
یہ مہم “عزمِ استحکام” کے تحت وفاقی اپیکس کمیٹی برائے نیشنل ایکشن پلان کی منظوری سے جاری ہے، جس کا مقصد غیر ملکی حمایت یافتہ اور معاونت یافتہ دہشت گرد گروہوں کو ملک سے مکمل طور پر ختم کرنا ہے۔
یہ بھی پڑھیں: بنوں میں سیکیورٹی فورسز کا انٹیلی جنس بنیاد پر بڑا آپریشن، بھارتی پراکسی دہشتگرد ہلاک
پاک فوج کے ترجمان کے مطابق انسداد دہشت گردی کے یہ اقدامات ملک کے مختلف حصوں میں دہشت گردی کے خطرات کے خاتمے اور شہریوں کی حفاظت کو یقینی بنانے کے لیے مستقل بنیادوں پر جاری رہیں گے۔
سکیورٹی فورسز جدید ٹیکنالوجی اور پیشہ ورانہ تربیت کے ساتھ آپریشنز انجام دے رہی ہیں تاکہ کسی بھی ممکنہ خطرے کو بروقت ناکام بنایا جا سکے۔
