اسلام آباد: کینیڈا امیگریشن حکام نے پاکستانیوں کو ویزا فراڈ کے متعلق خبردار کرتے ہوئے کہا کہ دھوکہ دہی کے نئے حربوں سے ہوشیار رہیں۔
کینیڈا کے امیگریشن ریفیوجیز اینڈ سٹیزن شپ کینیڈا نے پاکستانی مسافروں کے لئے ویزا اور مالی فراڈ کے بارے میں وارننگ جاری کردی ہے۔
حکام کا کہنا ہے کہ دھوکہ باز افراد اکثر سرکاری اہلکاروں کے طور پر پیغامات بھیجتے ہوئے جعلی انعامات کا اعلان، ٹیکس فراڈ یا کمپیوٹر وائرس کے حربے استعمال کرتے ہوئے رقم بٹور لیتے ہیں۔
یہ بھی پڑھیں: متحدہ عرب امارات:بنگلہ دیش سمیت 9 ممالک پر ویزا پابندی عائد
امیگریشن ریفیوجیز اینڈ سٹیزن شپ کینیڈا نے پاکستانی مسافروں کو خبردار کیا ہے کہ کسی بھی ہنگامی ادائیگی یا ذاتی اکاؤنٹ میں رقم منتقل کرنے کی درخواست پر توجہ نا کریں۔ ویزہ فیس صرف کینیڈین ڈالر میں اور سرکاری چینلز کے ذریعے ہی ادا کی جاتی ہے۔
یہ وارننگ اس واقعے کے بعد جاری کی گئی جب اسلام آباد میں ایک شخص نے کنیڈین ہائی کمیشن کے ملازم کے طور پر خود کو متعارف کروایا اور گوگل میپس پر دکھائے جانے والے جعلی فون نمبر کے ذریعے 250 سے 450 یورو تک کی رقم ویزہ یا کونسلر اپوائنٹمنٹ کے لئے طلب کی۔
کینیڈین ہائی کمیشن نے واضح کیا کہ کے افسران فون،ای میل یا بینک ٹرانسفر کے ذریعے ادائیگی وصول نہیں کرتے۔ صرف مجاذ امیگریشن افسران ہی ویزا جاری کر سکتے ہیں۔
یہ بھی پڑھیں: ایران کاانڈیا کو جھٹکا، بھارتیوں کیلئے ویزا فری انٹری بند کردی
مسافروں کو ہدایت کی گئی ہے کہ کسی بھی مشکوک سرگرمی کی رپورٹ کریں اور صرف کینیڈین حکام کے تصدیق شدہ ذرائع پر اعتماد کریں۔
یہ وارننگ پاکستانی مسافروں کیلئے ایک واضح آگہی ہے کہ وہ فراڈ سے بچنے کیلئے ہر قدم پر محتاط رہیں۔
