لاہور(کشمیر ڈیجیٹل)پاکستان سپر لیگ میں شامل کی جانے والی 2 نئی ٹیموں کے حوالے سے شہروں کے ناموں پر گردش کرتی خبروں کے بعد پاکستان کرکٹ بورڈ نے صورتحال واضح کر دی ہے۔
پی سی بی کے مطابق نئی فرنچائزز کیلئے کسی شہر کا انتخاب ابھی طے نہیں ہوا اور یہ اختیار مکمل طور پر کامیاب بولی دہندگان کے پاس ہوگا۔
مزید یہ بھی پڑھیں:امریکی رپورٹ نے پاکستان کی بھارت کے خلاف فتح کی تصدیق کر دی، وزیراعظم شہباز شریف
بورڈ کا کہنا ہے کہ اس نے صرف وہ 6 شہر تجویز کیے ہیں جن میں سے نئی ٹیمیں منتخب کی جا سکتی ہیں۔
بیان میں کہا گیا کہ ممکنہ شہروں کی فہرست میں فیصل آباد، راولپنڈی، حیدرآباد، سیالکوٹ، مظفرآباد اور گلگت شامل ہیں تاہم حتمی فیصلہ فرنچائز جیتنے والے سرمایہ کار کریں گے۔
مزید یہ بھی پڑھیں:وزیراعظم پاکستان شہبازشریف کا حویلی کیلئے دانش سکول دینے کا اعلان
کرکٹ بورڈ کا کہنا ہے کہ اس نے نئی ٹیموں کے لیے بین الاقوامی سطح پر درخواستیں طلب کی ہوئی ہیں اور خواہشمند گروپس کو 15 دسمبر تک ٹیکنیکل پروپوزلز جمع کرانے کی ہدایت کی گئی ہے۔
پی سی بی کی جانب سے ٹیم فرنچائز رائٹس کے لیے ٹینڈر 15 نومبر 2025 کو شائع ہوا تھا جس کی ڈیڈلائن 15 دسمبر 2025 ہے۔
پی سی بی نے سوشل میڈیا صارفین سے درخواست کی ہے کہ براہ کرم کسی بھی دوسرے ذریعے سے حاصل کردہ معلومات کو سرکاری اور حتمی نہ سمجھا جائے۔
واضح رہے کہ پی سی بی نے پی ایس ایل کی دو نئی ٹیموں کے لیے چھ شہروں کے نام تجویز کیے ہیں جن میں حیدرآباد، سیالکوٹ، مظفرآباد، فیصل آباد، گلگت اور راولپنڈی شامل ہیں۔
گزشتہ روز مختلف میڈیا رپورٹس میں یہ دعویٰ کیا گیا تھا کہ پی ایس ایل کی دو نئی فرنچائزز کے لیے گلگت اور فیصل آباد کے نام فائنل کرلیے گئے ہیں۔
