نیویارک: مسلم امیدوار زہران ممدانی نیویارک سٹی کے میئر منتخب ہوگئے، زہران ممدانی کا مقابلہ نیویارک کے سابق گورنر اور آزاد امیدوار ‘اینڈریو کومواور ری پبلکن حریف کرٹس سلوا سے تھا۔
نیویارک میئر کے الیکشن میں نئی تاریخ رقم ہوگئی جہاں 2001 کے بعد میئر کے انتخابات میں سب سے زیادہ ٹرن آؤٹ ریکارڈ کیا گیا۔
پولنگ اسٹیشنز پر شہریوں کی بڑی تعداد موجود رہی، 17 لاکھ سے زائد ووٹرز نے حق رائے دہی استعمال کیا۔
صدر ٹرمپ اور ایلون مسک کی جانب سے ممدانی کی مخالفت کے باوجود مسلم امیدوارکے پہلی بار نیویارک شہر کے میئر منتخب ہوگئے۔
دوسری طرف امریکا کی تمام 50 ریاستوں میں مقامی و ریاستی انتخابات کے لیے بھی ووٹنگ کا سلسلہ جاری ہے۔
یہ بھی پڑھیں: زہران ممدانی کے میئر بننے پرٹرمپ نے نیویارک کے فنڈزروکنے کا انتباہ دیدیا
ریاست ورجینیا میں گورنر اور لیفٹیننٹ گورنے کے لیے پولنگ کا وقت ختم ہوگیا، امریکی میڈیا کے مطابق ورجینیا میں ڈیموکریٹس نے تاریخی کامیابی حاصل کرلی، ایگزٹ پولز کے مطا بق ڈیموکریٹ امیدوار ایبی گیل اسپین برجر ورجینیا کی پہلی خاتون گورنر منتخب ہوگئیں۔
ورجینیا میں ہی ڈیموکریٹ پارٹی کی امیدوار غزالہ ہاشمی نائب گورنر منتخب ہوگئیں، غزالہ ہاشمی پہلی بھارتی نژاد اور پہلی مسلم نائب گورنر ہیں۔
نیوجرسی میں گورنر کے انتخاب میں ڈیموکریٹ امیدوار میکی شیرل کو معمولی برتری حاصل ہے ۔
یاد رہے کہ زہران ممدان کی امریکی صدر ڈونلڈ ٹرمپ نے بھرپور مخالفت کی تھی لیکن اس کے باوجود کامیابی سمیٹی۔
سابق امریکی صدر باراک اوباما نے زہران ممدانی نے بھرپور حمایت کی تھی، پاکستانی کمیونٹی نے بھی زہران ممدانی کی حمایت کا اعلان کیا تھا۔
