اسلام آباد (کشمیر ڈیجیٹل)بھارت کی پاکستان کیخلاف ایک اور کارروائی بے نقاب
سکیورٹی فورسز نے بھارت کیلئے جاسوسی کرنیوالے اعجاز نامی ملاح کوگرفتار کرکے فورسز کی وردیاں برآمدکرلیں۔
بھارت کی پاکستان کے خلاف ایک اور دہشتگرد کارروائی انٹیلیجنس اداروں نے ناکام بنا دی۔
آپریشن سندور کی ناکامی کے بعد بھارت نے جھوٹی مہمات شروع کردیں،
بھارت نے اعجاز نامی ملاح کو گرفتار کرکے نامعلوم مقام پر منتقل کیا اور پھر بھارتی خفیہ ایجنسی نے اعجاز کو اپنے لئے کام کرنے پر آمادہ کیا۔
ذرائع کے مطابق بھارت نے اعجاز ملاح کو آرمی، نیوی اوررینجرز کی وردیاں خریدنےکی ہدایت کی۔۔
جب اعجاز ملاح یہ وردیاں خرید رہا تھا تو پاکستانی ایجنسیوں نے اس کی نگرانی شروع کر دی، اعجاز ملاح کو بھارت جاتے ہوئے گرفتارکیا گیا۔
وزیر اطلاعات عطا تارڑ نے پریس کانفرنس کے دوران بھارت کے لیے جاسوسی کرنے والے اعجاز ملاح کی ویڈیو بھی نشر کی جس میں اس نے اعتراف کیا کہ بھارتی ایجنسیوں نے مجھے سمندر سے گرفتار کیا،
بھارتی ایجنسیوں نے کہا کہ اگر ہمارے لیے کام نہ کیا تو جیل میں رہو گے۔اعجاز ملاح نے اپنے اعترافی ویڈیو بیان میں بتایا کہ بھارتی ایجنسی نے مجھے فوج کی وردیاں، موبائل سمز اور فون بلز وغیرہ لانے کی ہدایت دی۔۔
اس کے علاوہ 50 اور 100 روپے کے پرانے کرنسی نوٹ لانے کا بھی کہا گیا، میں نے سارا سامان اکٹھا کیا جس کی ایک تصویر بھارتی ایجنسی کے افسر اشوک کمار کو بھیج دی۔
اور پھر میں اکتوبر کے مہینے میں دریا کی طرف نکل گیا لیکن مجھے راستے میں ہی پاکستانی سکیورٹی اداروں نے پکڑ لیا۔
بھارت نے گجرات اور کَچھ کے قریب فوجی مشقوں کی آڑ میں مذموم سرگرمیاں شروع کردیں۔۔
بھارتی مشقوں کا مقصد پاکستان کے خلاف پروپیگنڈا اور تخریبی کارروائیاں تھاہ
بھارت نےفوجی مشقوں کو پاکستان مخالف پروپیگنڈا مہم سے جوڑنے کی کوشش کی
سکیورٹی اداروں نے بھارتی خفیہ ایجنسی کی سازش ناکام بنائی۔
بھارت کے جھوٹے بیانیے اور من گھڑت دعوے دنیا کے سامنے بے نقاب ہوگئے، پاکستان نے عالمی برادری کے سامنے بھارتی سازش کو بے نقاب کر دیا۔
وزیر مملکت برائے داخلہ طلال چوہدری کا کہنا تھا کہ پہلے آپریشن سندور تھا اب یہ آپریشن پروپیگنڈا ہے ۔۔
پاکستانی میڈیا نے عالمی سطح پر اپنی ساکھ کی جنگ جیتی، یہ پہلی بار نہیں ہے، پہلے پہلگام میں چینی سیٹلائیٹ فون برآمد کرنے کا کہا گیا۔
بھارتی ہینڈلر کے اعجاز ملاح کے ساتھ فون کی آڈیو میسجز بھی پریس کانفرنس کے دوران چلائے گئے ۔
حکومتی ذرائع کا کہنا تھا اس معاملے کوعالمی سطح پر بھی اٹھایا جائےگا عفرایکسپریس کا واقعہ ہوا تو سب سے پہلے ویڈیو بھارتی ٹی وی چینلز پرچلائی جاتی ہے
افغان وزیر خارجہ نے بھارت میں بیٹھ کر کشمیر سے متعلق بیان دیا یہ نہ تین میں ہیں نہ تیرا میں۔
مزید یہ بھی پڑھیں:آزادکشمیر کےمفاد پرست سیاستدانوں کاعوام الیکشن میں احتساب کریں: سید ذیشان حیدر
