دبئی:ایشیا کپ 2025 کے سپر فور مرحلے کے ہائی وولٹیج مقابلے میں پاکستان نے بھارت کو جیتنے کے لیے 172 رنز کا ٹارگٹ دے دیا ۔
دبئی انٹرنیشنل کرکٹ اسٹیڈیم میں ہونے والے ایونٹ کے سپر4 کے بڑے مقابلے میں بھارتی کرکٹ ٹیم کے کپتان سوریا کمار یادیو نے ٹاس جیت کر پاکستانی کپتان سلمان علی آغا کو پہلے بیٹنگ کی دعوت دی ہے ۔
پہلے بیٹنگ کرتے ہوئے پاکستان نے مقررہ 20 اوورز میں 5 وکٹوں کے نقصان پر 171 رنز بنائے،جس میں صاحبزادہ فرحان 58 رنز کیساتھ نمایاں بیٹر رہے ۔
پاکستان کی طرف سے فخر زمان اور صاحبزادہ فرحان نے جارحانہ انداز میں کھیل کا آغاز کیا تاہم پاکستان کی پہلی وکٹ 21 رنز پر گئی جب فخر زمان 9 گیندوں پر 15 رنز بنا کر وکٹوں کے پیچھے کیچ آؤٹ ہوگئے ۔
پاکستان کا دوسرا نقصان صائم ایوب کی صورت میں ہوا جب وہ 93 رنز کے مجموعی سکور پر 21 رنز بنا کر میدان چھوڑ گئےجبکہ نئے آنے والے بلے بازحسین طلعت بھی زیادہ دیر صاحبزاہ فرحان کا کریز پر ساتھ نہ دے سکے اور 10 رنز بنا کر کیچ دے بیٹھے ۔
قومی ٹیم کو 115 رنز کے مجموعی سکور پر بڑا نقصان برداشت کرنا پڑا جب صاحبزادہ فرحان 58 رنز کی شاندار اننگز کھیلی کر کیچ تھما بیٹھےجبکہ محمد نواز 19 گیندوں پر 21 رنز بنا کر رن آؤٹ ہوئے ۔
ٹاس کے بعد گفتگو میں سلمان علی آغا نے کہا ہے کہ اگر ہم ٹاس جیت جاتے تو بولنگ کرنا پسند کرتے ، میچ ایک نیا چیلنج ہے، آج اچھی کرکٹ کھیلنا چاہتے ہیں ۔
انہوں نے یہ بھی کہا کہ ٹیم کا موڈ معمول کے مطابق ہے، فائنل الیون میں 2 تبدیلیاں کی گئی ہیں ، فہیم اشرف اور طلعت حسین کو حسن نواز اور خوشدل شاہ کی جگہ ٹیم کا حصہ بنایا ہے ۔
ہینڈ شیک کا تنازع اورمیچ کے بعد بھارتی کپتان سوریا کمار یادیو کے سیاسی بیان کی وجہ سے دونوں ممالک میں کشیدہ ماحول مزید خراب ہوچکا ہے، آج بھی دنوں ٹیموں کے کپتانوں نے ٹاس کے بعد ہاتھ نہیں ملایا ۔
واضح رہےکہ گروپ میچ میں پاکستان کو بھارت نے 7 وکٹ سےہرا دیا تھا۔
پاکستانی ا سکواڈ:
سلمان علی آغا (کپتان) ، صاحبزادہ فرحان ، صائم ایوب ، فخر زمان ، حسین طلعت ، محمد نواز، محمد حارث ، فہیم اشرف ، شاہین شاہ آفریدی ، حارث رؤف ، ابرار احمد
بھارتی اسکواڈ:
ابھیشیک شرما ، شبمن گل ، سوریا کمار یادیو (کپتان) ، تلک ورما، سنجو سمسن ، ہاردک پانڈیا ، شیوم ڈوبے، اکسر پٹیل ، کلدیپ یادیو ، ورون چکرورتھی ،جسپرت بمراہ شامل ہیں ۔
