دبئی (کشمیر ڈیجیٹل)ایشیاکپ ٹی ٹوئنٹی ٹورنامنٹ 2025 کے چھٹے میچ میں پاکستان نے روایتی حریف بھارت کیخلاف ٹاس جیت کر پہلے بیٹنگ کا فیصلہ کیا ہے۔
دونوں ٹیموں کے درمیان ایشیا کپ ٹی ٹوئنٹی ٹورنامنٹ میں گروپ اے کا ہائی وولٹیج میچ دبئی میں کھیلا جارہا ہے۔
پاکستان ٹیم میں کوئی تبدیلی نہیں کی گئی ، پاکستان ٹیم ان ہی 11 کھلاڑیوں کے ساتھ میدان میں اتری ہے جنہوں نے عمان کے خلاف پاکستان کو 93 رنز سے فتح دلوائی تھی ۔
6 ماہ کے دوران دونوں ٹیمیں دوسری بار مدمقابل آئی ہیں، اس سے قبل پاکستان اور بھارت چیمپئنز ٹرافی کے میچ میں مدمقابل آئے تھے۔
حالیہ کارکردگی کے لحاظ سے دونوں ٹیمیں بہترین فارم میں دکھائی دے رہی ہیں ۔ بھارت نے ایشیا کپ میں متحدہ عرب امارات کے خلاف 9 وکٹوں سےکامیاب سمیٹی جبکہ پاکستان نے افغانستان اور یو اے ای کو شکست دے کر سہ ملکی سیریز اپنے نام کی ۔
ایشیا کپ میں دونوں ٹیموں کا ریکارڈ بھی دلچسپ ہے۔
بھارت نے اب تک 19 میچوں میں سے 10 میں کامیابی حاصل کی جبکہ پاکستان نے 6 جیتے ہیں ۔ پاکستان کی بھارت کے خلاف ایشیا کپ میں آخری فتح 2022 میں آئی تھی ۔
بھارت 8 بار ایشیا کپ کا چیمپئن بن چکا ہے جبکہ پاکستان نے یہ اعزاز صرف 2 مرتبہ حاصل کیا ہے ۔
مزید یہ بھی پڑھیں:ورلڈ ریسلنگ چیمپئن شپ میں بھارت کو بڑا دھچکا
