واشنگٹن:امریکی صدر ڈونلڈ ٹرمپ نے مقناطیس فراہم نہ کرنےکی صورت میں چین پر 200 فیصد ٹیرف عائد کرنےکی دھمکی دیدی۔
صدر ٹرمپ نے صحافیوں سےگفتگو کرتے ہوئےکہا کہ چین نے امریکا کو مقناطیس فراہم نہیں کئے تو ہمیں ان پر 200 فیصد ٹیرف لگانا پڑےگا۔
انہوں نےکہاکہ ہمارے پاس ٹیرف کی طاقت ہے اور اگر ہم 100 یا 200 فیصد ٹیرف لگا دیں تو چین سے کوئی کاروبار نہیں ہوگا، اگر ایسا کرنا پڑا تو ہمیں کوئی مسئلہ نہیں ہوگا۔
یہ بھی پڑھیں: بھارت نے ٹرمپ انتظامیہ سے بہتر تعلقات کیلئے لابنگ فرم کی خدمات حاصل کرلیں
ٹرمپ نے اعتراف کیا کہ اس طرح کے بھاری محصولات سے دونوں ممالک کے درمیان تجارتی تعلقات ختم ہونےکے خدشات بڑھ سکتے ہیں۔
ٹرمپ نے کہا کہ مقناطیس کے معاملے پر امریکا کے پاس بھی طاقت ہے اور چین کے پاس بھی، تاہم امریکا کے پاس ایسے آپشنز ہیں جسے استعمال کرنے سے چین تباہ ہو جائے گا۔
ٹرمپ کا یہ بیان ایسے وقت میں سامنے آیا ہے جب دونوں ممالک کے درمیان تجارتی کشیدگی میں اضافہ ہورہا ہے۔
یہ بھی پڑھیں: پاک بھارت جنگ میں 7طیارے گرے،ڈونلڈ ٹرمپ کا دعویٰ
یاد رہے کہ دنیا کی 90 فیصد میگنیٹ مارکیٹ چین کے پاس ہے جو سیمی کنڈکٹر چپس سمیت جدید ٹیکنالوجی اور اسمارٹ فونز جیسی مصنوعات میں اہم حیثیت رکھتی ہے۔
اپریل میں چین نے جوابی اقدام کے طور پر متعدد نایاب معدنیات اور میگنیٹس کو اپنی برآمدی پابندیوں کی فہرست میں شامل کر لیا تھا۔
