جدہ (کشمیر ڈیجیٹل)سعودی عرب کے محکمہ موسمیات نے مملکت کے کئی علاقوں میں آج سے آئندہ ہفتے تک موسلا دھار بارش کا امکان ظاہر کیا گیاہے۔
سعودی خبر رساں ادارے کی رپورٹ کے مطابق جازان، عسیر، الباحہ، مکہ مکرمہ، تبوک اور مدینہ منورہ ریجن بارش کی زد میں ہوں گے۔
رپورٹس کے مطابق ریاض ریجن کے کچھ علاقوں میں ہلکی سے درمیانے درجے کی بارش کا امکان ہے، جبکہ جازان، عسیر، الباحہ اور مکہ مکرمہ کے پہاڑی علاقوں میں بارش میں اضافہ متوقع ہے۔
موسمیات کے قومی مرکز نے لوگوں پر زور دیا ہے کہ وہ موسم کے حوالے سے رپورٹ کے لیے ویب سائٹ اور میٹیا پلیٹ فارم کو فالو اور متعلقہ حکام کی ہدایات پر عمل کریں۔
یاد رہے کہ اس سے قبل سعودی عرب کے سیاحتی شہر ابھا میں افسوسناک حادثہ رونما ہوا تھا، آسمانی بجلی گرنے سے 2 خواتین جاں بحق جبکہ ایک شدید زخمی ہوگئی تھی۔
رپورٹ کے مطابق متاثرہ خاندان کے رشتہ دار کا کہنا ہے کہ ہم 2 خاندان القریات سے سیر و تفریح کی غرض سے ابھا کے ایک تفریحی مقام پر موجود تھے۔
اسی دوران اچانک آسمانی بجلی گری جس کی زد میں آکر ایک رشتہ دار خاتون اور اس کی 22 سالہ بیٹی موقع پر ہی جان کی بازی ہار گئیں۔
مزید یہ بھی پڑھیں:چیئرپرسن کے زیڈ کے خدیجہ زرین حویلی پہنچ گئیں ، شاندار استقبال ، یوم پاکستان تقریبات میں شرکت
