مظفر آباد:حکومت آزادکشمیر نے آفات سماوی( کلائوڈبرسٹ، بارش) کے بقایاجات کی ادائیگی کیلئے 32 کروڑ کی گرانٹ ریلیز کر دی ہے جبکہ وزیراعظم چوہدری انوارالحق نے ہدایت کی ہےکہ متاثرین کو فوری معاوضے دیئے جائیں۔
تفصیلات کے مطابق وزیراعظم آزادکشمیر نے پولیس کی استعداد بڑھانے کیلئے33تھانوں کو سنگل کیبن گاڑیاں فراہم کیں اور چابیاں ڈی آئی پولیس عرفان مسعود کشفی کے حوالے کیں۔
اس موقع پر ڈی آئی جی پولیس عرفان مسعود کشفی نے وزیراعظم آزاد کشمیر کو پولیس ٹرانسپورٹ فلیٹ میں نئی گاڑیوں کی شمولیت کے بعد پولیس استعداد کار میں اضافہ کے حوالے سے تفصیلی بریفنگ بھی دی ۔
تقریب میں موسٹ سینئر منسٹر کرنل ریٹائرڈ وقار احمد نور ، سیکرٹری اطلاعات سردار عدنان خورشید سمیت پولیس آفیسران اور دیگر بھی موجود تھے ۔
اس موقع پر میڈیا سے گفتگو کرتے ہوئے وزیر اعظم آزادکشمیر کشمیر چوہدری انوارالحق نے کہا ہے محکمہ پولیس کے جوان اپنی جان کو ہتھیلی پر رکھ کر شہریوں کے ناموس اور جان و مال کے تحفظ کو یقینی بنا رہے ہیں۔
امن و امان کی صورتحال کو برقرار رکھنے کیلئے پولیس انفراسٹرکچر کو بہترکیا اور گزشتہ دو سالوں کے دوران 56 پولیس سٹیشنز میں 4×4 سنگل کیبن نئی گاڑیاں فراہم کر دی ہیں۔
یہ بھی پڑھیں: رتی گلی میں کل رات سے پھنسے 800 سے زائد سیاحوں کا کامیاب ریسکیو آپریشن مکمل ہو گیا، وزیراعظم آزادکشمیر
انہوں نے کہا کہ محکمہ پولیس میں موجود افرادی قوت کی کمی کو پورا کرنے کیلئے1300 اسامیاں تخلیق کی گئی ہیں جن پر تحت ضابطہ تقرریاں عمل میں لائی جائیں گی۔
وزیراعظم کا کہنا تھا کہ گزشتہ شب ایس ڈی ایم اے، ریسکیو اداروں اور مسلح افواج پاکستان کے اشتراک سے رتی گلی میں کلاوڈ برسٹ کے نتیجے میں محصور 700 سے زائد سیاحوں کو ریسکیو کرتے کے محفوظ مقامات پر منتقل کیا گیا، متاثرین کی بحالی کیلئے بروقت اقدامات پر متعلقہ اداروں کو خراج تحسین پیش کرتے ہیں
انہو ں نے کہا کہ میرے پاس عوام کو ریلیف فراہم کرنے کیلئے محکمہ پولیس، محکمہ صحت ، تعلیم ، ایس ڈی ایم اے کیلئے فنڈز موجود ہیں ، کسی کی عیاشی کیلئے نہیں ہیں، ہنگامی حالات کے دوران لوگوں کو نقل مکانی کی صورت میں ان کی فوری آبادکاری کیلئے خالصہ سرکار میں رہائش کے انتظامات کے علاؤہ کوئی چارہ کار نہیں بچتا۔
یہ بھی پڑھیں:وزیراعظم انوارالحق کی زیر صدارت ہنگامی اجلاس، متاثرین کی منتقلی ، معاوضہ دینے کا فیصلہ
ایس ڈی ایم اے کے آپریشنل استعداد کار میں اضافے کیلئے 8 کروڑ کے ڈرونز خریدے گئے ہیں، حکومت عصر حاضر کے تقاضوں کے مطابق جدید ٹیکنالوجی کا حصول یقینی بنا رہی ہے ۔
