بار سلونا(کشمیر ڈیجیٹل)سابق وزیراعظم یوسف رضا گیلانی کے صاحبزادے اور رکن قومی اسمبلی سید عبدالقادر گیلانی کی قیمتی گھڑی بارسلونا میں چھین لی گئی۔ اطلاعات کے مطابق گھڑی کی مالیت 56 ہزار یورو تھی، جو پاکستانی کرنسی میں تقریباً ایک کروڑ 85 لاکھ روپے بنتی ہے۔
عبدالقادر گیلانی بارسلونا تفریحی دورے پر ہیں اور واقعے کے وقت وہ اپنے بچوں کے ساتھ تھے۔ میڈیا سے گفتگو میں انہوں نے بتایا کہ یہ گھڑی تقریباً 12 سے 13 سال پرانی تھی، جو اُس وقت خریدی گئی جب سونا نسبتاً سستا تھا، لیکن اب اس کی قیمت کئی گنا بڑھ چکی ہے۔
انہوں نے بتایا کہ گھڑی ان کے ہاتھ میں تھی، جب اچانک چھینی گئی۔ ان کے میزبان کی گھڑی بھی اسی واردات میں چوری ہو گئی۔ لیکن اللہ کا شکر ہے کہ جان بچ گئی کیونکہ جان ہے تو جہان ہے، جو چیز آپ کے نصیب میں نہیں وہ آپ کو کوئی دے نہیں سکتا اور چیز آپ کے نصیب ہے وہ ساری دنیا کی مخالفت کے باوجود کوئی لے نہیں سکتا۔
یوسف رضا گیلانی جن کی تنخواہ حال ہی میں بڑھا کر دو ملین کی اور جنوری سے ادا کر دی اس کے غریب بیٹے ممبر اسمبلی عبدالقادر گیلانی کی 56ہزار یورو کی گھڑی جو پاکستانی تقریباً دو کروڑ بنتے بارسلونا سپین میں کوئی لوٹ کر بھاگ گیا ہے آپ زرا اسلامی ٹچ چیک کیججے کہ یہ گھڑی بھی شرعی مجبوری… pic.twitter.com/G15SSKkPJW
— RAShahzaddk (@RShahzaddk) August 11, 2025
عبدالقادر گیلانی کا مزید کہنا تھا کہ اگرچہ سونا مردوں کے لیے ممنوع ہے، مگر سفر کے دوران سونے کی کوئی چیز ساتھ رکھنا سنت ہے تاکہ ہنگامی حالات میں اسے فروخت کیا جا سکے۔
مزید یہ بھی پڑھیں:بھارت آئندہ دو تین ماہ میں پاکستان پر دوبارہ حملہ کر سکتا ہے: مرتضی سولنگی
