اسلام آباد(کشمیر ڈیجیٹل)جماعت اسلامی آزاد کشمیرگلگت بلتستان کے امیر ڈاکٹر محمد مشاق خان نے کہاہے کہ لاکھوں کشمیریوں اور فلسطینیوں کا خون آزاد ی کی نوید لے کر طلوع ہوگا۔۔
ہندوستان اور اسرائیل طاقت کے نشے میں انسانیت کاقتل عام کررہے ہیں،اسلامی ممالک کے حکمران اپنا کردار ادا کریں تو کشمیراور فلسطین دنوں میں آزادہوسکتے ہیں۔۔
اسلامی ممالک کے حکمران امریکہ سے نہیں اللہ سے ڈریں،پوری دنیا کے انسان کشمیریوں اور فلسطینیوں کی جائزجدوجہد کی حمایت کررہے ہیں۔۔
مودی اور نیتن یاھو نے ہندوستان ور اسرائیل کا اصل چہرہ دنیا کو دکھادیاہے،ان خیالات کااظہارانھوں نے یوم استحصال کے حوالے سے منعقدہ ریلی سے خطاب کرتے ہوئے کیا۔۔
انھوں نے کہاکہ کشمیریوں اور فسطینیوں نے آزادی یاشہادت کا راستہ ختیار کیاہے یا تو آزادی ملے یا پوری قوم جام شہادت نوش کرجائے گی،انسانی تاریخ میں کشمیریوں اور فلسطینیوں کی آزادی کے لیے کی جانے والی جدوجہد یاد رکھی جائے گی۔۔
انھوں نے کہاکہ ہندووستان اور اسرائیل عالمی قوانین کی دھجیاں اڑارہے ہیں مگر عالمی حکمران خاموش ہیں،نریندرمودی نے 5اگست کو ظالمانہ اور معتصبانہ اقدامات کرکے یہ سمجھ لیاتھاکہ اب کشمیرکا مسئلہ ختم ہوچکاہے مگر ثابت ہوا کشمیرکا مسئلہ زندہ اور مودی کے برے دن آچکے ہیں۔۔
مودی کے ظالمانہ اقدامات نے ہندوستان کے اندر بے چینی پیداکردی ہے پاکستان اور بھارت جنگ میں مودی کی عقل ٹھکانے آچکی ہے او ر مزید بھی آئے گی۔کشمیرکی آزادی نوشتہ دیوار ہے مودی نے نہ پڑھا تو ہندوستان کے حصے بخرے ہوجائیں گے۔
مزید یہ بھی پڑھیں:آزادکشمیر میں تحریک انصاف کی ہڑتال کی کال ناکام، یومِ استحصال منایا گیا
