بھارت کے رکن پارلیمنٹ امریندر سنگھ نے پاک فضائیہ کے ہاتھوں بھارتی رافیل طیارہ گرائے جانے کے شواہد لوک سبھا اجلاس میں پیش کردیے۔
اپوزیشن جماعت کانگریس سے تعلق رکھنے والے امریندر سنگھ نے لوک سبھا اجلاس میں کہا کہ بھارتی حکومت نے بھارتی فوج کے ہاتھ پاؤں باندھ کر حملے کے لیے بھیجا۔
انہوں نے مزید کہا کہ ان کا تعلق پنجاب سے ہے، پنجاب میں بھٹنڈہ کے قریب بھسیانہ ائیر فورس اسٹیشن کے قریب رافیل طیارے کا ملبہ گرا اور انہوں نے خود اس مقام پر جاکر دیکھا، وہاں ایک طیارے کی دم آکر گری تھی جس پر BS-001 درج تھا جو کہ رافیل طیارہ تھا۔
राष्ट्रीय सुरक्षा का मुद्दा अत्यंत महत्वपूर्ण है और इसे गंभीरता से लिया जाना चाहिए… #PehalgamAttack और पुलवामा जैसे हमले हमारे ख़ुफ़िया तंत्र और गृह मंत्रालय @AmitShah जी की कार्यप्रणाली पर एक करारा तमाचा हैं… सरकार सिर्फ़ बयानबाज़ी करके गंभीर सवालों से नहीं भाग सकती।… pic.twitter.com/mFbqMa8IYq
— Amarinder Singh Raja Warring (@RajaBrar_INC) July 29, 2025
بھارتی رکن پارلیمنٹ نے لوک سبھا کے اجلاس میں طیارے کے ملبے کی تصاویر بھی دکھائیں۔
امریندر سنگھ کا کہنا تھا یہ طیارہ گرنے سے ایک شخص ہلاک اور 9 افراد زخمی ہوئے۔
بھارتی رکن پارلیمنٹ نے کہا کہ بھارتی فضائیہ کے ائیر مارشل اے کے بھارتی نے طیارہ گرنا تسلیم کیا لیکن کہا کہ ایک نامعلوم طیارہ گرا ہے یوں قوم کو بے وقوف بنانے کی کوشش کی گئی۔
خیال رہےکہ 6 اور 7 مئی کی درمیانی شب بھارتی جاحیت کا منہ توڑ جواب دیتے ہوئے پاک فضائیہ نے 6 بھارتی طیارے مار گرائے تھے جن میں رافیل طیارے بھی شامل تھے۔
فرانسیسی حکام کی جانب سے بھی بھارتی فضائیہ کا رافیل طیارہ گرنے کی تصدیق کی گئی جبکہ امریکی صدر ٹرمپ بھی 5 بھارتی طیارے گرنے کی تصدیق کرچکے ہیں۔
جہلم ویلی ورکرز کنونشن کی کامیابی پر قومی قیادت کا ذیشان حیدر کو فون، خراج تحسین پیش
